Silahlı Qüvvələrə yardımlar davam edir - FOTO

Ölkəmizin tarixində və taleyində həlledici olan bu döyüş günlərində, ordumuza zəfər yürüşündə maddi və mənəvi dəstək olmaq, həmrəylik nümayiş etdirmək məqsədilə Respublika Xüsusi Tibb Xidmətinin nəzdində fəaliyyət göstərən Xüsusi Müalicə Sağlamlıq Kompleksinin kollektivi 118 000 manat dəyərində “Ford Tranzit” markalı, ən son hərbi təcili tibbi yardım avadanlıqları ilə təchiz edilmiş sanitar avtomobil və 20 000 manat dəyərində dərman və tibbi ləvazimat alaraq Müdafiə Nazirliyinin tibb xidmətinə ianə edib.




Bundan əlavə “Trokas Pharma” MMC şirkəti Azərbaycanın ərazi bütövlüyü uğrunda gedən qızğın döyüşlərdə Ordumuza, onun uğurlu əməliyyatına dəstək olmaq məqsədilə Silahlı Qüvvələrə Yardım Fonduna 50 000 manat vəsait köçürüb.

Həmçinin “Elektrogas” MMC kombi istehsalı zavodu Silahlı Qüvvələrə Yardım Fonduna 10 000 manat vəsait köçürüb.