Median.Az xəbər verir ki, Binəqədi RPİ 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 29-na keçən gecə Biləcəri qəsəbəsində “Mercedes” markalı avtomobildən, içərisində 200 manat, sənədlər və təqaüd kartı olan pulqabını oğurlayan Abşeron rayon sakini Vüqar Əhmədov saxlanılıb.
Bundan başqa, Binəqədi RPİ 5-ci polis bölməsinin əməkdaşları tərəfindən E.Abbasovun çantasından qızıl qolbağı oğurlayan Şəki rayon sakini Elnur Hətəmov saxlanılıb.
Nəsimi RPİ 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində F.Əliyevin mobil telefonunu oğurlayan Göyçay rayon sakini, əvvəllər məhkum olunmuş Məmməd Məmmədli saxlanılıb.
Nəsimi RPİ 21-ci polis bölməsinin əməkdaşları keçirdikləri əməliyyat tədbiri nəticəsində avtomobildən 100 manat və mobil telefon oğurlayan Bakı şəhər sakini İntiqam Kərimov saxlanılıb.
Suraxanı RPİ 30-cu polis şöbəsi əməkdaşlarının əməliyyat-axtarış tədbirləri nəticəsində noyabrın 16-da avtomobildən 2 ədəd mobil telefon oğurlayan Bakı şəhər sakini Rövşən Salayev saxlanılıb.
Səbail RPİ 8-ci polis bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 26-da evdən velosiped oğurlamağa cəhd göstərən Bakı şəhər sakinləri, əvvəllər məhkum olunmuşlar Anar Şahbazov və Kənan Orucov saxlanılıblar. Onların noyabrın 25-də daha 2 velosipedi oğurlamaları məlum olub.
Xətai RPİ 37-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində sentyabrın 10-da rayon ərazisindəki 2 evdən su qızdırıcıları oğurlayan Bakı şəhər sakini Ramil Abbasov saxlanılıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
комментариев