Bakı Apellyasiya Məhkəməsində Bakı şəhər sakinləri Əbülfəz Bünyatovun CM-nin 120.2.1 (qəsdən adam öldürmə, qabaqcadan əlbir olan bir qrup şəxs tərəfindən törədildikdə), 120.2.3 ( zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını qəsdən öldürmə), 120.2.4 (xüsusi amansızlıqla qəsdən adam öldürmə), 120.2.7 (iki və ya daha çox şəxsi qəsdən öldürmə), 120.2.12 (milli, irqi, dini ədavət və ya düşmənçilik niyyəti ilə qəsdən adam öldürmə), 29, 120.2.1, 29, 120.2.3, 29, 120.2.4, 29, 120.2.7, 29,.120.2.12 (qabaqcadan əlbir olan bir qrup şəxs tərəfindən, zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını, xüsusi amansızlıqla, iki və ya daha çox şəxsi, milli, irqi, dini ədavət və ya düşmənçilik niyyəti ilə qəsdən adam öldürməyə cəhd), 28, 214.2.1, 28, 214.2.3, 214-2 (terrorçuluğa hazırlıq), 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə), 228.3-cü ( qanunsuz olaraq odlu silah, döyüş sursatı partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə, mütəşəkkil dəstə tərəfindən törədildikdə), 228.4-cü (qanunsuz olaraq soyuq silahı əldə etmə, satma və ya gəzdirmə), 278-ci (hakimiyyəti zorla ələ keçirmə və ya onu zorla saxlama), 279.1-ci ( Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə təchiz etmə), 281.2-ci (dövlət əleyhinə yönələn açıq çağırışlar, təkrar və ya bir qrup şəxs tərəfindən törədildikdə), 283.2.3-cü (milli, irqi, sosial və ya dini nifrət və düşmənçiliyin salınması, mütəşəkkil dəstə tərəfindən törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 320.1 və 320.2-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) və Elxan İsgəndərovun CM-nin 28, 214.2.1, 28, 214.2.3, 214-2, 220.2, 228.3, 228.4, 233, 278, 279.1, 281.2, 283.2.3 və 315.2-ci maddələri ilə
məhkum olunmalarına dair məhkəmə prosesi başa çatıb.
Median.Az xəbər verir ki, ittihama görə, Daxili İşlər Nazirliyinin (DİN) əməkdaşları 2015-ci il noyabrın 26-da Bakı şəhərinin Nardaran qəsəbəsində xüsusi əməliyyat keçirilib. Əməliyyat zamanı Taleh Bağırov başda olmaqla, Rasim Cəbrayılov, Zakir Mustafayev, Cabbar Cabbarov, Cahad Babakişizadə, Şamil Abduləliyev, Aqil İsmayılov, Ramin Yariyev, Abbas Quliyev, İbrahim Xudaverdiyev, Etibar İsmayılov, Bəhruz Əskərov, Əli Nuriyev, Əlibala Vəliyev, Fərhad Balayev, Abbas Tağızadə, Abbas Hüseynov, o cümlədən Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı da saxlanılıblar.
Bakı Ağır Cinayətlər Məhkəməsinin hökmü ilə Taleh Bağırov və Abbas Hüseynov 20 il, Cabbar Cabbarov 19 il, Rasim Cəbrayılov 17 il, Zakir Mustafayev, Cahad Babakişizadə, Aqil Quliyev, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Balayev və Abbas Tağıyevin 14 il 6 ay, Fuad Qəhrəmanlı və Ramin Yarıyev 10 il müddətinə azadlıqdan məhrumetmə cəzasına məhkum olunublar. Bundan başqa, "Nardaran işi" üzrə təqsirləndirilən digər şəxslərə də hökm oxunub.
Elxan İsgəndərov 2015-ci il noyabrın 5-də Sabunçu RPİ-nin qarşısında baş verən hadisələr zamanı həbs olunaraq rayon məhkəməsinin qərarı ilə 15 gün müddətinə inzibati həbs olunub. Sonradan cinayət işi araşdırılması üçün Baş Prokurorluğun Ağır Cinayətlərə Dair İşlər Üzrə İstintaq İdarəsinə göndərilib. E.İsgəndərov axtarışda olduğundan 15 mart 2017-ci ildə polis əməkdaşları tərəfindən həbs olunub və barəsində həbs qətimkan tədbiri seçilib. Əbülfəz Bünyatovun səhhətində problem olduğuna görə, istintaq dövründə o, polisin nəzarəti altına verilib.
Bakı Ağır Cinayətlər Məhkəməsinin hökmü ilə Əbülfəz Bünyatov 15 il, Elxan Isgəndərov 14 il azadlıqdan məhrumetmə cəzasına məhkum olunub. Qeyd edək ki, ev dustaqlığında olan Əbülfəz Bünyatov iclas zalına təcili yardım maşını ilə, xərəkdə gətirilib. O, məhkəmə zalında həbs edilib.
Hökmdən məhkumlar apellyasiya şikayətləri veriblər.
Bakı Apellyasiya Məhkəməsi onların şikayətlərini təmin etməyib, hökm dəyişdirilmədən saxlanılıb.
Şahidi olduğunuz hadisələri çəkib bizə göndərin!
Son Əlavə