Mühasibat uçotunu elektron formada aparanlar güzəştlər alacaq - AÇIQLAMA

Vergi Məcəlləsi 2019-cu ildən köklü surətdə dəyişir.

Əsas dəyişikliklərlə bağlı Vergilər Nazirliyinin Vergi qanunvericiliyi idarəsinin direktoru Əvəz Quliyev məlumat verib.

Onun sözlərinə görə, 2019-cu ildən sadələşdirilmiş vergi vahid bir rəqəmlə - iki faizlə ifadə olunacaq. Bundan başqa, sahibkarlara gəlir və mənfəətdən 75 vergi güzəşti tətbiq ediləcək.

Ə.Quliyevin sözlərinə görə, dəyişikliklərlə gələn ildən sahibkarların bank hesabından vəsaitin silinməsi ilə bağlı məsələlər də tənzimlənib:

“Vergi ödəyicisi vergi orqanından şikayətçi olduğu zaman onun bank hesabından vəsaitin silinməsi dayandırılacaq”.

O qeyd edib ki, mühasibat uçotunu elektron formada aparanlar da bəzi güzəştlər alacaq:

“Məsələn, maliyyə sanksiyası 50 faiz olduğu halda, mühasibat uçotunu elektron aparanlara 25% şamil ediləcək. Ümumiyyətlə, sahibkar nağdsız dövriyyəni artdıqca onun vergi yükü azalacaq”.
//oxu.azскачать dle 11.3

Şahidi olduğunuz hadisələri çəkib bizə göndərin!