Xızıda yetkinlik yaşına çatmayan qıza qarşı seksual hərəkətlər edildi - TƏFƏRRÜAT » Median.Az News Agency


Xızıda yetkinlik yaşına çatmayan qıza qarşı seksual hərəkətlər edildi - TƏFƏRRÜAT
Xızı rayonunda yetkinlik yaşına çatmayan şəxsə təcavüz edən şəxsə cinayət işi açılıb.

Median.Az
teleqraf.com-a istinadən xəbər verir ki, Xızı rayon sakini Əvəz Qocayevin barəsində Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

İttihama görə, Əvəz Qocayev rayon ərazisində yetkinlik yaşına çatmayan Səbinə Məmmədovaya (ad və soyad şərtidir - red.) qarşı seksual xarakterli hərəkətlər edib. Zərərçəkmişin şikayəti əsasında Əvəz Qocayev həbs edilib.

Cinayət işi baxılması üçün Xızı rayon Məhkəməsinə göndərilib. Hakim İsgəndər Hacıyevin sədrliyi ilə baş tutan qapalı prosesdə prokuror ittiham aktını elan edib.

Daha sonra ifadə verən Əvəz Qocayev özünü qismən təqsirli bilib. O, hadisənin təfərrüatını qapalı iclasda danışıb. Növbəti iclas sentyabrın 9-na təyin olunub.

Qeyd edək ki, Əvəz Qocayevin törətmiş olduğu cinayət sübuta yetirilsə, onu 3 ilədək azadlıqdan məhrum etmə cəzası gözləyir.скачать dle 11.3





Şahidi olduğunuz hadisələri çəkib bizə göndərin!




          949 06.09.19 18:08