Azərbaycan sərbəst güləşçisi Cəbrayıl Hacıyev Bolqarıstanın paytaxtı Sofiyada keçirilən yeniyetmələr arasında dünya çempionatında qızıl medal qazanıb.
Median.Az-ın report-a istinadən məlumatına görə, 65 kq çəki dərəcəsində yer alan Hacıyev debütdə türkiyəli rəqibini çətinlik çəkmədən məğlub edib.
Ötən həftə Bakıda keçirilmiş Avropa Gənclər Yay Olimpiya Oyunlarının (EYOF) qalibi daha sonra iranlı pəhləvanla qarşılaşmadan qalib ayrılıb. Yaponiyalı güləşçini də yolundan kənarlaşdıran Hacıyev yarımfinala vəsiqə qazanıb.
Finalın bir addımlığında onun rəqibi Gürcüstan təmsilçisi olub. EYOF-da tam üstünlüklə qalib gəldiyi rəqibin ciddi müqaviməti ilə üzləşən yığma üzvü hesabda 2:6 geridə olsa da, əzmkarlıq nümayiş etdirərək son saniyələrdə icra etdiyi uğurlu fəndlərlə adını finala yazdırmağı bacarıb. Hacıyev həlledici qarşılaşmada EYOF-un finalında məğlub etdiyi Rusiya idmançısı ilə qarşılaşıb və Bakıdakı ssenari təkrarlanıb. Yenə hesabda geri düşən azərbaycanlı pəhləvan əzmkar qələbə qazanaraq dünya çempionu olub.
Digər sərbəst güləşçilərdən Cavid Cavadov (48 kq) bürünc medal uğrunda görüşdə hindistanlı rəqibinə yenilərək 5-ci yerlə kifayətlənib.
Zirəddin Bayramov (55 k1) 1/4 finalda qitə birinciliyinin yarımfinalında məğlub olduğu Türkiyə güləşçisi Muhammet Karavusa növbəti dəfə uduzaraq, çıxışlarını başa vurub.
Fərid Cabbarov (80 kq) ilk görüşdə amerikalı, Hamlet Nəsibli (110 kq) ukraynalı rəqibinə uduzaraq, mübarizəni dayandırıb.
Dünya çempionatı
48 kq
1/8 final. Cavid Cavadov - Dalqat Abdulkadırov (RUS) 6:3 (tuşe)
1/4 final. Cavid Cavadov - Kamronbek Kadamov (UZB) 4:8
Təsəlliverici görüş. Cavid Cavadov - Otqonbaatar Boldbaatar (MGL) 9:7
Bürünc medal görüşü. Cavid Cavadov - Udit Udit (İND) 2:11
55 kq
Təsnifat. Zirəddin Bayramov - İvan Xramika (BLR) 10:0
1/8 final. Zirəddin Bayramov - Simone Vinçentso Piroddu (İTA) 10:0
1/4 final. Zirəddin Bayramov - Muhammet Karavus (TUR) 2:4
65 kq
Təsnifat. Cəbrayıl Hacıyev - Mikayıl Topal (TUR) 11:5
1/8 final. Cəbrayıl Hacıyev - Əmir Hüseyn Rza Motaqi (İRİ) 4:3
1/4 final. Cəbrayıl Hacıyev - Ryosuke Kera (JPN) 6:4
1/2 final. Cəbrayıl Hacıyev - Davit Patsinaşvili (GEO) *7:7
FİNAL. Cəbrayıl Hacıyev - Batirbek Tsxovrebov (RUS) 6:4
80 kq
Təsnifat. Fərid Cabbarov - Klayton Edqar Ulrey (USA) 4:4*
110 kq
1/8 final. Hamlet Nəsibli - David Mçelidze (UKR) 0:2
Şahidi olduğunuz hadisələri çəkib bizə göndərin!
Son Əlavə