Narkomanların müalicəsi zamanı psixoloji korreksiya kursu aparılacaq » Median.Az News Agency


Narkomanların müalicəsi zamanı psixoloji korreksiya kursu aparılacaq
Narkoloji xəstələrin müalicəsi zamanı hər bir xəstə barəsində psixoloji korreksiya kursu aparılacaq.

Median.Az
Sputnik Azərbaycan-a istinadən xəbər verir ki, “Narkoloji xidmət və nəzarət haqqında” qanuna dəyişiklik təklif edilir.

Mövcud qanuna görə, narkoloji xəstəliklərin müalicəsi zamanı hər bir xəstə barəsində sosial-psixoloji reabilitasiya kursu aparılmalıdır. Təklif edilən dəyişikliyə görə isə narkoloji xəstəliklərin müalicəsi zamanı hər bir xəstə barəsində sosial-psixoloji reabilitasiya və psixoloji korreksiya kursu aparılmalıdır.

Narkoloji xəstə barəsində fəal müalicə kursundan sonra aparılan korreksiya kursu onun fərdi tələbatına uyğun olmalıdır. Həkim-narkoloq kliniki (tibbi) psixoloqla birlikdə psixoloji korreksiya proqramını tərtib edəcək. Eyni zamanda narkoloji xəstələrin könüllü müalicəsi müddətində psixoloji korreksiya dövründə də onlara digər xəstəliklərin müalicəsi zamanı tətbiq edilən bütün sosial təminatlar tətbiq ediləcək.

Milli Məclisin bu gün keçirilən iclasında qanun layihəsi səsə qoyularaq ilk oxunuşda qəbul edilib.скачать dle 11.3





Şahidi olduğunuz hadisələri çəkib bizə göndərin!




          402 12.07.19 23:07