Yol polisi sərnişin daşıyan sürücünün nəşəli olduğunu aşkarladı » Median.Az - Bütün xəbərlər bir ünvanda


Yol polisi sərnişin daşıyan sürücünün nəşəli olduğunu aşkarladı
Astara Rayon Polis Şöbəsinin Dövlət Yol Polisi Bölməsinin əməkdaşları tərəfindən güclü təsiredici narkotik vasitənin təsiri altında sərnişin daşıyan sürücü aşkarlanıb. Eyni zamanda onun idarə etdiyi avtomobildən narkotik vasitə götürülüb.

DİN Mətbuat Xidmətinin Lənkəran regional qrupundan verilən məlumata görə, taksi qismində idarə etdiyi “Tofaş” markalı avtomobillə Bakıdan Astaraya sərnişin aparan Bakı şəhəri Bülbülə qəsəbəsinin sakini Əvəz Abbasov təhlükəsizlik kəmərindən istifadə etmədiyi üçün Astara şəhəri ərazisində dövlət yol polisi əməkdaşları tərəfindən saxlanılıb. Bu zaman nəqliyyat vasitəsini idarə etmək üçün ona verilən etibarnamənin vaxtının bitdiyi, avtomaşının isə texniki baxışdan keçmədiyi müəyyən edilib. Həmçinin hərəkətləri şübhə doğurduğu üçün o tibbi müayinəyə dəvət edilib. Ə.Abbasovun avtomobili narkotik vasitənin təsiri altında idarə etdiyi məlum olub. Polis əməkdaşları tərəfindən keçirilən baxış zamanı onun idarə etdiyi avtomobildən narkotik vasitə və bir ədəd şpris aşkar edilərək götürülüb.

Faktla bağlı araşdırma aparılır.//lent.az

скачать dle 11.3





Şahidi olduğunuz hadisələri çəkib bizə göndərin!




          706 10.07.19 19:43