Bakı Ağır Cinayətlər Məhkəməsində Bakı şəhər sakini Muxtar Əhlimanovun (1976-cı il təv.) CM-nin 120.2.7-ci (iki və daha çox şəxsi qəsdən öldürmə) maddəsi ilə təqsirləndirilməsinə dair cinayət işi üzrə məhkəmə prosesi keçiriləcək.
Median.Az xəbər verir ki, bu il aprel 15-də Buzovna qəsəbəsində, əvvəllər məhkum olunmuş Muxtar Əhlimanov ailə münaqişəsi zəminində bacıları Səadət Əhlimanovaya (1964-cü il təv) və Məlahət Əhlimanovaya (1962-ci il təv.) bıçaqla xəsarətlər yetirib. Nəticədə Səadət hadisə yerində, digər bacısı isə səhərisi gün xəstəxanada vəfat ediblər.
Daxil olan məlumat əsasında hadisə yerinə ekspertin iştirakı ilə baxış keçirilib, həmin tarixdə M.Əhlimanov Xəzər RPİ-nin əməkdaşları tərəfindən saxlanılıb.
İlkin məlumata görə, həbsxanadan qayıdan Muxtar valideynlərindən qalan torpaq sahəsinin bir hissəsini satıb, pulunu ona verməsini tələb edib. Buna görə bacıları ilə aralaranda ölümlə nəticələnən mübahisə düşüb.
Məhkəmənin hazırlıq iclası yaxın günlərdə keçiriləcək.
Şahidi olduğunuz hadisələri çəkib bizə göndərin!
Son Əlavə