Bakı-Novorossiysk kəməri ilə neft nəqli bərpa edildi » Median.Az - Bütün xəbərlər bir ünvanda


Bakı-Novorossiysk kəməri ilə neft nəqli bərpa edildi
Azərbaycan Respublikası Dövlət Neft Şirkəti (SOCAR) Bakı-Novorossiysk kəməri ilə neftin nəqlini bərpa edib.

Bunu Report-a açıqlamasında SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.

Xatırladaq ki, SOCAR Bakı-Novorossiysk istiqaməti üzrə neftin nəqlini bu ilin mart ayında dayandırıb. Bu, kəmərdə planlaşdırılmış təmir və nəzarət işlərinin aparılması ilə əlaqədar idi.

Qeyd edək ki, 2018-ci ildə SOCAR Şimal (Bakı-Novorossiysk) neft kəməri ilə 1 298,8 min ton həcmində xam neft ixrac edib. Bu isə 2017-ci ilin göstərici ilə müqayisədə 199,7 min ton azdır.

Bakı-Novorossiysk kəməri xam neftin şimal istiqamətində nəqli üçün inşa olunub. Bu kəmərlə neft Rusiya ərazisindən keçməklə Novorossiysk limanına (Qara dəniz) nəql olunur.

Bununla bağlı müvafiq müqavilə 1996-cı il fevralın 18-də Moskvada imzalanıb. İlk neft 1997-ci il oktyabrın 25-də dünya bazarına çıxarılıb.скачать dle 11.3





Şahidi olduğunuz hadisələri çəkib bizə göndərin!




          468 04.07.19 14:17