Astarada avtomobilin körpüdən aşması nəticəsində yaralanan ailə üzvlərinin adları məlum olub.
Median.Az-ın oxu.az-a istinadən verdiyi xəbərə görə, xəsarət alanlar sürücü, 37 yaşlı Elvin Rahim oğlu Ağamalıyev, sərnişinlər 28 yaşlı Arzu Əlifağa qızı Ağamalıyeva, onların iki azyaşlı övladları - 7 yaşlı Rəsul Elvin oğlu Ağamalıyev və 4 yaşlı Nərgiz Elvin qızı Ağamalıyevadır.
Yaralılar Lənkəran Rayon Mərkəzi Xəstəxanasına gətiriliblər. Uşaqlardan birinin və anasının vəziyyəti daha ağır olduğu üçün onlar Reanimasiya şöbəsinə yerləşdiriliblər.
***
Astarada avtomobil körpüdən aşıb.
Median.Az-ın oxu.az-a istinadən verdiyi xəbərə görə, hadisə Ələt-Astara maqistral yolunun Şahağacı kəndindən keçən hissəsində baş verib.
“Mitsubishi” markalı avtomobilin körpüdən aşması nəticəsində bir ailənin 4 üzvü xəsarət alıb.
Yaralılar Lənkəran Rayon Mərkəzi Xəstəxanasına çatdırılıb. Vəziyyəti daha ağır olan bir uşaq və ana Reanimasiya şöbəsinə yerləşdiriliblər.