Birləşmiş Ərəb Əmirliklərinin (BƏƏ) Acman şəhərində təxminən 200-ə qədər sakin içməli sudan zəhərlənmə əlamətləri ilə müalicə müəssisələrinə müraciət edib.
RİA Novosti xəbər verir ki, bu barədə şəhər polisi Twitter səhifəsində yazıb.
İki istirahət günü ərzində Horizon Towers yaşayış kompleksinin 190 nəfər sakini Acman əmirliyinin xəstəxanalarına müraciət edib. Onlardan 7-si xəstəxanaya yerləşdirilib.
Hazırda əmirliyin kommunal xidmətləri boru və rezervuarların yoxlamasını həyata keçirir.