Bakıda güllələnən kriminal avtoritetin adı məlum oldu - YENİLƏNİB + FOTO

Binəqədi rayonunda güllələnərək öldürülən şəxsin kimliyi müəyyən olunub. Binəqədi rayon polis idarəsindən verilən məlumata görə, o Mübariz Budaqlıdır. Mübariz Budaqlı başına açılmış bir atəş nəticəsində həyatını itirib.

Qeyd edək ki, 2017-ci ildə 1976-cı il təvəllüdlü Mübariz Budaqlı adlı şəxs “İnterpol” xətti ilə axtarışa verilib. Hazırda ölən şəxsin sözügedən Mübariz Budaqlı ilə eyni şəxs olub-olmaması barədə araşdırma aparılır.

20:30

Binəqədi rayon Polis İdarəsindən verilən məlumata görə, aparılan təcili təxirəsalınmaz əməliyyat nəticəsində “Favorit” supermarketinin yanında kriminal aləmin nümayəndəsini güllələyən şübhəli bilinən şəxs saxlanılıb.

Həmçinin bildirilib ki, öldürülən kriminal avtoritetin də kimliyi müəyyən edilib. Araşdırmalar aparıldığı üçün nə ölən, nə də öldürülən şəxslərin adları hələ ki, açıqlanmayıb. Əlavə məlumat veriləcək.


20:01

Bakının Binəqədi rayonunda atışma olub. Kriminal aləmin nümayəndəsini Bakının ortasında öz avtomobilində güllələyiblər.

Bu barədə Oxu.Az-a Binəqədi rayon polisindən məlumat verilib. Verilən məlumata görə, Binəqədi rayonunda “Favorit” supermarketinin yanında atışma olub və bir nəfər odlu silahdan açılan atəş nəticəsində öldürülüb.

Hazırda hüquq mühafizə orqanlarının əməkdaşları hadisə yerində araşdırma aparır. Əlavə məlumat veriləcək.