Rayonlarda üç gün ərzində hava belə olacaq - XƏBƏRDARLIQ

Üç gün ərzində rayonlarda gözlənilən hava şəraiti açıqlanıb.

Milli Hidrometeorologiya Departamentindən bildirilib ki, 26,27,28 may tarixlərində rayonlarda hava şəraiti dəyişkən olacaq.

Mayın 29-na qədər gecə və axşam saatlarında şimşək çaxacağı, lokal leysan xarakterli yağış yağacağı, bəzi dağlıq və dağətəyi rayonlarda dolu düşəcəyi ehtimalı var. Qərb küləyi arabir güclənəcək. Çaylarda sululuq artacaq.

Havanın temperaturu gecə 15-20, gündüz 28-33 dərəcə isti, dağlarda gecə 9-14, gündüz 15-20 dərəcə isti təşkil edəcək.