Xalq artisti Faiq Ağayev sosial media hesabındakı statusu ilə gündəmə gəlib.
Median.Az axşam.az-a istinadən bildirir ki, ifaçı ötən günlərdə baş tutan xalq konsertindən fotolar paylaşıb və həmkarlarını həmin şəklə işarələyib.
Bu zaman onun illərdir küsülü olduğu həmkarı, Xalq artisti Zülfiyyə Xanbabayevanın adını qeyd etməsi də gözdən qaçmayıb.
Faiq paylaşımına "Mənim gözəl, peşəkar, haqqına sevilən həmkarlarım var! Fəxr edirəm sizinlə, əzizlərim!" deyə, yazıb.
Qeyd edək ki, Ağayev və Xanbabayeva bundan öncə də bir neçə tədbirdə yan-yana gəlsələr də, salamlaşmayıb və barışmayıblar.