Kanada Azərbaycanın notasına cavab verdi » Median.Az - Bütün xəbərlər bir ünvanda
15:29 Qızılca ilə əlaqədar Bakı məktəblərində dezinfeksiya işləri aparılır  |     15:24 Türkiyəli ekspert: “Ermənistanda uşaqları terror təşkilatına cəlb edirlər”  |     14:41 Salyan məktəblisinin böyük uğuru: Yeni riyazi düstur kəşf etdi - VİDEO  |     14:40 Bakıda məhkum cəzaçəkmə müəssisəsində dünyasını dəyişdi  |     14:26 Elektrik dirəyi aşdı, “Azərişıq”ın işçisi yıxılıb öldü  |     14:18 Dünya çempionatının sonuncu günündə beş güləşçimiz mübarizə aparacaq  |     14:16 Böyük Dəbilqə: Hidayət Heydərov qızıl, Zelim Tçkayev bürünc medal qazanıb - YENİLƏNİB  |     13:57 Azərbaycan neftinin qiyməti artıb  |     13:56 Ermənistan-Türkiyə sərhədində nəzarət-buraxılış məntəqəsi istismara hazırdır  |     13:41 “WhatsApp”da çoxdan gözlənilən FUNKSİYA  |     13:21 Yasamal rayonunda “Kalaşnikov” avtomatı və 30 ədəd patron satmaq istəyən şəxs saxlanılıb  |     13:13 Azərbaycana qanunsuz yollarla gətirilən kökəldici dərmanla bağlı XƏBƏRDARLIQ - FOTO  |     13:11 Abşeronda ətraf mühiti çirkləndirən mebel sexinin sahibi cərimə edilib  |     13:10 Sumqayıtda 72 yaşlı qadın qəzada ölüb  |     13:08 Rusiya ordusunun şəxsi heyəti 170 min nəfər artırıldı  |     13:08 Tom Holland “Hörümçək adam” roluna qayıtması üçün şərtləri açıqlayıb  |     13:07 30 milyard dollarlıq yeni iqlim fondu yaradıldı  |     13:07 Laçında kütləvi istehsala başlanıldı: 300 min manatlıq gəlir planlaşdırılır - VİDEO  |     13:06 Suqovuşandakı ilk yaşayış binasında neçə ailə məskunlaşacaq? - VİDEO  |     13:01 Azərbaycanda distant təhsilə keçilməlidir? - AÇIQLAMA  |    

Kanada Azərbaycanın notasına cavab verdi

Azərbaycan Xarici İşlər Nazirliyi (XİN) Kanada parlamentində Dağlıq Qarabağdakı erməni separatçı rejimi ilə dostluq qrupunun yaradılması barədə məlumata münasibət bildirib.

Nazirliyin mətbuat katibi Leyla Abdullayeva "Report"un sorğusuna cavab olaraq deyib ki, dostluq qrupunun yaradılması ilə bağlı informasiya həqiqəti əks etdirmir.

"Bu yaxınlarda Kanadada fəaliyyət göstərən Milli Erməni Komitəsinin sosial şəbəkələrdəki hesablarında Kanada parlamentində "Artsax xalqının parlament dostları" adlı dostluq qrupunun yaradılması ilə bağlı məlumat paylaşılıb. Belə bir qrupun yaradılması barədə məlumat nə dərəcədə doğrudur? XİN tərəfindən bu xüsusda hansı tədbirlər görülüb" sualına Azərbaycan XİN-in rəsmisi belə cavab verib: "Azərbaycan Respublikasının beynəlxalq səviyyədə tanınmış sərhədləri çərçivəsində ərazi bütövlüyünü və suverenliyini şübhə altına alan istənilən fəaliyyət Xarici İşlər Nazirliyinin və ölkəmizin diplomatik nümayəndəliklərinin daima diqqət mərkəzindədir. Bu kimi fəaliyyətlər tərəfimizdən daim izlənilir və sözügedən fəaliyyətin qarşısının alınması istiqamətində müvafiq tədbirlər həyata keçirilir.

Sorğu etdiyiniz "dostluq qrupu”nun yaradılması erməni tərəfinin yaydığı növbəti həqiqətə uyğun olmayan məlumatdır. Məsələ ölkəmizin Kanadadakı səfirliyi, həmçinin Kanadanın ölkəmizdə məsul səfirliyi ilə Ankaradakı diplomatik nümayəndəliyimiz vasitəsilə araşdırılıb.

Kanadanın Xarici İşlər, Ticarət və İnkişaf Departamentindən daxil olan notada sözügedən parlament qrupunun dostluq qrupları siyahısında mövcud olmadığı qeyd olunub. Kanada tərəfi, ümumiyyətlə, dostluq qruplarına ölkə parlamentinin heç bir inzibati və ya maliyyə dəstəyi vermədiyi, bu qrupların bəyanat və fəaliyyətlərinin Kanada hökumətini təmsil etmədiyini bildirilib.

Vurğulamaq istərdik ki, Kanadanın Ermənistan-Azərbaycan Dağlıq Qarabağ münaqişəsinə dair mövqeyi dəyişilməzdir və bu barədə Kanada tərəfinin XİN-ə ünvanlandığı notada açıq şəkildə qeyd olunur. Belə ki, Kanada beynəlxalq səviyyədə tanınmış sərhədləri çərçivəsində Azərbaycanın ərazi bütövlüyünü tanıdığını, qondarma "Dağlıq Qarabağ Respublikası" və ya onun rəsmilərini tanımadığını, habelə münaqişənin həlli üzrə ATƏT-in Minsk qrupunun səylərinə dəstək verdiyini notasında növbəti dəfə bəyan edib.

Bu hal bir daha onu göstərir ki, erməni tərəfinin, ilk növbədə, öz əhalisini aldatmağa yönəlmiş saxta xəbərlər kampaniyasından beynəlxalq ictimaiyyət artıq təngə gəlib".скачать dle 11.3







Şahidi olduğunuz hadisələri çəkib bizə göndərin!




            1 141 16.04.19 20:07