Azərbaycanın su ehtiyatları azalır.
Median.Az xezerxeber.az-a istinadən bildirir ki, bununla bağlı Ekologiya və Təbii Sərvətlər Nazirliyi həyəcan təbili çalır.
Hidroloq Rafiq Verdiyev deyir ki, su ehtiyatlarının azalmasının əsas səbəbi son onilliklərdə baş verən iqlim dəyişmələri fonunda yağıntıların azalması və temperaturun artmasıdır.
Hidroloqun sözlərinə görə, su ehtiyatlarının azalması çay ekosistemi və kənd təsərrüfatı üçün ciddi problem yarada bilər.
Rafiq Verdiyev bildirir ki, prosesi ləngitmək üçün su istifadəçiləri sudan səmərəli istifadə etməlidirlər. Su təchizatı qurğularında və məişətdə itkilərin qarşısı alınmalıdır. Kənd təsərrüfatında və sənayedə müasir texnologiya və suya qənaət edən avadanlıqdan istifadə edilməlidir.
Rafiq Verdiyevin sözlərinə görə, nazirliyin əməkdaşları çaylarda gözlənilən axımı dəqiq proqnozlaşdırmaq üçün hazırda qarölçmə işləri aparırlar. Məqsəd istehsalçıların suvarma suyu ilə təminatının yaxşılaşdırılmasıdır.
Şahidi olduğunuz hadisələri çəkib bizə göndərin!
Son Əlavə