Median.Az xəbər verir ki, Lənkəran rayon Mərkəzi Xəstəxanasına kəsilmiş-deşilmiş yaralarla Astara rayon sakinləri Kamin Hüseynov və onunla qeyri-rəsmi nigahda olan Yeganə Hüseynova daxil olublar. Onlar reanimasiya şöbəsinə yerləşdiriliblər.
Araşdırma aparan Astara RPŞ-nin əməkdaşlarına məlum olub ki, hadisə onların yaşadıqları Şahağacı kəndində baş verib. Aralarında yaranan münaqişə zamanı Y.Hüseynova mətbəx bıçağı ilə K.Hüseynova xəsarət yetirib. Daha sonra sonuncu bıçağı onun əlindən alaraq arvadına bir neçə zərbə endirib.
RPŞ İstintaq bölməsində faktla bağlı cinayət işi başlanılıb.