Rusiya Federasiyası istiqamətindən Şimal Ərazi Baş Gömrük İdarəsinin “Xanoba” gömrük postunun idxal gömrük nəzarət xəttinə daxil olan “Mercedes Sprinter” markalı nəqliyyat vasitəsinin sürücüsü, Azərbaycan Respublikası vətəndaşı gömrük nəzarətindən keçərkən özünü şübhəli və narahat apardığı üçün saxlanılıb.
Dövlət Gömrük Komitəsindən verilən məlumata görə, şəxsi yoxlama zamanı onun əynindəki gödəkçənin sağ və sol ciblərindən hər cibində bir ədəd olmaqla, cəmi iki ədəd bağlamada gömrük nəzarətinə bəyan edilməyən 54 ədəd, arxa tərəfində “10 rubl 1899”, yeddi ədəd, arxa tərəfində “10 rubl 1900”, bir ədəd, arxa tərəfində “10 rubl 1901” və iki ədəd, arxa tərəfində “10 rubl 1902” yazıları həkk olunan, ümumilikdə 549 qram qızıl sikkələr aşkar edilib.