Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu il aprelin 15-dən dekabrın 5-dək olan müddətdə, şəhər ərazisindəki 1 mağazadan, 1 avtomobildən, 8 evdən pul və məişət əşyaları oğurlayan, habelə 3 nəfərə qarşı dələduzluq edən şəhər sakini, əvvəllər məhkum olunmuş Xalid Allahverdiyev saxlanılıb.
Bundan başqa, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 9-dan dekabrın 10-dək olan müddətdə, şəhər ərazisində 2 avtomobildən akkumulyator, habelə 4 evdən məişət əşyaları və inşaat materialları oğurlayan şəhər sakini, əvvəllər məhkum olunmuş Rüstəm Qasımov saxlanılıb.
Sumqayıt ŞPİ 1-ci polis bölməsinin əməkdaşları tərəfindən bu il aprelin 9-dan dekabrın 6-dək olan müddətdə, şəhər ərazisindəki 4 evdən və 3 mağazadan pul, məişət əşyaları və ərzaq məhsulları oğurlayan şəhər sakini, əvvəllər məhkum olunmuş Amil Rüstəmov saxlanılıb.
Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu il fevralın 20-dən dekabrın 11-dək olan müddətdə, şəhər ərazisindəki 1 evdən, köşkdən, mağazadan pul, noutbuk, planşet və mobil telefon, 5 nəfərin mobil telefonlarını oğurlayan, habelə 1 nəfərə qarşı dələduzluq edən şəhər sakini Abuzər Abuzərov saxlanılıb.
Sumqayıt ŞPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində ötən il noyabrın 7-dən bu il dekabrın 18-dək olan müddətdə, şəhər ərazisindəki
3 mağazadan, 1 həyətyanı sahədən, qarajdan və 3 avtomobildən pul, maqnitofon, danışıq kartları, ərzaq məhsulları, sənəd, su sayğacı və mobil telefon oğurlayan şəhər sakini
Vaqif İmanov saxlanılıb.
Sumqayıt ŞPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində ötən il dekabrın 22-dən bu il dekabrın 10-dək olan müddətdə, şəhər ərazisindəki 4 evdən, 2 avtomobildən məişət əşyaları, 3 mağazadan pul və tütün məmulatı oğurlayan şəhər sakini Nemət Veysəlov saxlanılıb.
Sumqayıt ŞPİ 4-cü polis bölməsinin əməkdaşları tərəfindən dekabrın 21-də bir qadının, içərisində 490 manat olan pulqabısını oğurlayan şəhər sakini Mikayıl Tağıyev saxlanılıb.
Faktlarla bağlı CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə