“Azərsu” ASC-nin 2017-ci il üzrə zərəri 508 milyon 350 min manat təşkil edib.
Median.Az qurumun 2017-ci il üzrə hesabatına istinadən xəbər verir ki, Səhmdar Cəmiyyətin zərəri 2016-cı illə müqayisədə 104 milyon 571 min manat az olub.
Ötən il “Azərsu”nun 163 milyon 884 min manat cəmi gəlirinə qarşı xərcləri 668 milyon 498 min manat təşkil edib. Nəticədə 504 milyon 614 min manatlıq əməliyyat zərəri yaranıb. 3 milyon 574 min manatlıq maliyyə xərci ilə də zərər 508 milyon 350 min manata çatıb.
Qurumun cəmi aktivləri 694 milyon 439 min manat, cəmi kapitalı 61 milyon 360 min manat təşkil edib. ASC-nin kapitalı 2017-ci ildə bir il əvvəlki illə müqayisədə 300 milyon 42 min manat azalıb. Belə ki, 2016-cı ildə “Azərsu”nun kapitalı 361 milyon 780 min manat təşkil edib.
Qeyd edək ki, hesabat dövründə qurumun öhdəlikləri azalaraq, 2016-cı ildəki 970 milyon 125 min manatdan 755 milyon 799 min manata düşüb.
Şahidi olduğunuz hadisələri çəkib bizə göndərin!
Son Əlavə