İşsiz dünya və Avropa çempionu: məni heç mühafizəçi də götürmürlər » Median.Az - Bütün xəbərlər bir ünvanda
22:29 Azərbaycan və İranın XİN başçıları bölgədəki son vəziyyəti müzakirə ediblər  |     22:16 Clubhouse-da dəvətnamə sistemi ləğv edilib  |     22:05 Bu vaksin Braziliya ştammına qarşı təsirsizdir - Araşdırma  |     22:00 Almaniyada partlayış zamanı onlarla insan xəsarət alıb, ölənlər var  |     21:51 Bitkoinin qiyməti 34 min dolları ötüb  |     21:45 Hər 10 nəfərdən 5-i toyda yoluxur - Həkim  |     21:33 Samuxda yol-nəqliyyat hadisəsi olub, xəsarət alan var  |     21:20 Samuxda bıçaqlanma olub  |     21:07 "Neftçi"nin legioneri: "Olimpiakos"u yaxşı analiz etmişik"  |     20:42 Gəncədə iki nəfəri ildırım vurub  |     20:17 Bakıda bu restoran şortik geyinən kişiləri içəri buraxmır - FOTO  |     20:11 Gəncədə həyətyanı sahələri su basıb, elektrik enerjisinin verilişi dayandırılıb  |     20:06 ANAMA-nın Cəbrayılda minaya düşən əməkdaşı evə buraxıldı  |     19:55 Gürcüstanda koronavirusun “Delta+” ştammı tapıldı  |     19:52 17 mindən çox toy qeydiyyata alınıb  |     19:46 Təhsil İnstitutu narazı müəllimlərə müraciət edib  |     19:38 Kubanın Fransadakı səfirliyinə “molotov kokteyli” ilə hücum edilib  |     19:28 Masallıda COVID-19 pasportu olmayanlar toylara buraxılmayıb  |     19:13 Türkiyə ordusu daha 3 terrorçunu zərərsizləşdirib  |     18:58 Baş Prokurorluq və DİN-dən Bakıda özünü partladaraq öldürən şəxslə bağlı birgə MƏLUMAT  |    

İşsiz dünya və Avropa çempionu: məni heç mühafizəçi də götürmürlər
Dünya və Avropa çempionu, Azərbaycanı olimpiadada təmsil edən Samir Məmmədov bir neçə ay öncə mətbuat vasitəsilə işsiz olduğunu və göstərdiyi nəticələrə baxmayaraq, heç bir yerdə ona iş verilmədiyini söyləmişdi.

Millət vəkili, Azərbaycan Boks Federasiyasının vitse-prezidenti Ağacan Əbiyev mediaya verdiyi açıqlamada Samir Məmmədova tezliklə iş tapmaqda kömək edəcəyini demişdi. Hətta idmançı ilə görüşən Ağacan Əbiyev tez bir zamanda məsələni həll edəcəyinə söz versə də, sonradan nə Samirin, nə də jurnalistlərin zənglərinə cavab verməyib. Hələ də problemləri həll olmayan Avropa və Dünya çempionu yenidən mətbuata üz tutmaq məcburiyyətində qalıb.

Samir Məmmədov bildirib ki, telefon zənglərinə niyə cavab verilmədiyini dəqiq bilmir, amma belə çıxır ki, Ağacan Əbiyev onu aldadıb:

“Öncə Ağacan Əbiyev mənimlə görüşdü və dedi ki, mənə kömək edəcək. Daha sonra zənglərimə cavab vermədi. Eyni zamanda bu barədə yazmaq istəyən jurnalistlərin də zənglərinə cavab vermədi. Bir sözlə, məndə belə bir təəssürat yaranır ki, o məni aldatdı.” Boksçu qeyd edib ki, bu vəziyyətdə məşqçi işləmək istəmir: “Uşaqlara pula görə məşq keçirəm ki, ailəmi dolandırım. Amma belə vəziyyətdə, bilgilərimi uşaqlara pulla satmaq istəmirəm. Amma məcburam. Mən Yeniyetmələrin Dünya və Avropa yarışlarının çempionuyam, gənclər arasında Avropa çempionu, kişilər arasında Dünya 3-cüsü və Dünya kubokunun 3-cüsü, Avropa ikincisiyəm. Eyni zamanda dəfələrlə müxtəlif turnirlərin qalibi olmuşam. 14 qat Azərbaycan çempionu, Prezident mükafatçısıyam. 2006-2007-ci illərdə ən yaxşı Azərbaycan idmançısı seçilmişəm, əməkdar idmançı və olimpiya iştirakçısıyam. İkiqat Dünya çempionu, ikiqat Avropa çempionu kimi layiq olduğum yerdə olmadığım üçün məcburən məşqçilik edirəm. Bu qədər uğurlarla vətənimdə mənə iş tapılmır? Boyum balaca və çəkim az olduğundan məni mühafizəçi də götürmürlər. Mən də ölkəmin bayrağını digər idmançılar kimi dünyada dalğalandırmışam. Niyə onlara iş verilir mənə yox?”

Məmmədov əlavə edib ki, ona başqa iş təklifi olsa belə, məşqçiliyi atmayacaq. Sadəcə normal işi olarsa, daha ürəklə öz təcrübəsini tələbələri ilə bölüşəcək.

Çempion onu da bildirib ki, hazırda qızlara məşq keçsə də, qızların boksla məşğul olmasını istəmir. Onun fikrincə, bu, “qıza yaraşan” idman növü deyil. Məmmədovun sözlərinə görə, o, Boks Federasiyasında müəllim deyil və oradan aylıq maaş almır. Sadəcə zalda uşaqlara pullu məşq keçməklə maddi ehtiyacını təmin edir. Qeyd edək ki, Sputnik-in əməkdaşı bu məsələ ilə bağlı Ağacan Əbiyevlə əlaqə saxlayıb. Deputat bildirib ki, məsələ ilə bağlı bu həftənin cümə günü Samir Məmmədovu Milli Olimpiya Komitəsində qəbul edəcək.

(sputnik.az)скачать dle 11.3





Şahidi olduğunuz hadisələri çəkib bizə göndərin!




            46 016 03.11.16 13:58