Moskva Şəhər Məhkəməsi dayanacaq mübahisəsi zəminində moskvalı motosikletçini qətlə yetirən Azərbaycan vətəndaşı Şahin Abbasovu 17 il, qardaşı Şöhrəti isə 12 il müddətinə azadlıqdan məhrum edib.

"Unikal" xəbər verir ki, bu barədə "Kommersant" yazıb.

İsaxan Abbasov cinayəti gizlətmək və rüşvət almaq ittihamı ilə 8 il müddətinə azadlıqdan məhrum edilib. Digər təqsirləndirilən şəxslər isə istintaq təcridxanasında cəzalarını çəkdikdən sonra məhkəmədə sərbəst buraxılıblar. Məhkəmə Şahin Abbasovun atası Nizamiyə bəraət verib.

Hadisə 2024-cü il aprelin 17-də baş verib. İstintaqın məlumatına görə, Şahin Abbasov avtomobilini Krasnodarskaya küçəsində yerləşən binanın girişinin yaxınlığındakı səkidə saxlayıb.

Bu, 24 yaşlı yerli sakin Kirill Kovalevi qəzəbləndirib və o, sürücünü danlayıb. Şahin Abbasov və qardaşı Şöhrət gəncə bir neçə bıçaq zərbəsi vurub və o, aldığı xəsarətlərdən xəstəxanada ölüb.

İstintaqın məlumatına görə, onlar saxlanıldıqları Rostov vilayətinə gedərkən daha sonra Şahin Abbasovun atasından və digər qohumlarından gizlənmək və daha bir neçə cinayət törətmək barədə göstərişlər alıblar. Digər təqsirləndirilən şəxslər Moskvada saxlanılıb.скачать dle 11.3