Papa Fransisk xəstəxanaya yerləşdirilib

Katolik Kilsəsinin lideri Papa Fransisk qarın boşluğundan əməliyyat olunmaq üçün bu gün xəstəxanaya yerləşdirilib.

Vatikanın açıqlamasına görə, Papanın narahatçılığına əvvəlki əməliyyatdan sonra yaranan yırtıq səbəb olur.

Bildirilib ki, 86 yaşlı dini lider ümumi anesteziya altında qarın nahiyəsindən açıq əməliyyat olunacaq. Papa Fransiskin bir neçə gün xəstəxanada qalacağı gözlənilir. 2021-ci ilin iyul ayında Papa Fransisk bağırsaq əməliyyatı keçirib və yoğun bağırsağının 33 sm-lik hissəsi çıxarılıb.

Yanvar ayında verdiyi açıqlamada Papa bu əməliyyata səbəb kimi, əvvələr olan problemlərin geri qayıtdığını söyləyib. Vatikanın mətbuat katibi Matteo Bruni bu səhər bildirib ki, Papanın əməliyyat edilməsi qərarının təkrarlanan, ağrılı və pisləşən simptomlar səbəbindən verilib.

Papa Fransisk dünən müayinə üçün "Gemelli" poliklinikasına gedib. Bu 40 dəqiqəlik səfərdən sonra Vatikana qayıdan Papa bu gün səhər ümumi qəbul mərasimini keçirib. Papanın bu mərasimdən sonra xəstəxanaya getdiyi açıqlanıb. Papa da keçən mart ayında tənəffüs yoluxucu infeksiyaya görə "Gemelli" xəstəxanasına yerləşdirilmişdi.

Papa Fransisk diz narahatlığına görə tez-tez əlil arabası və əsa istifadə edir. O, 2021-ci ildə bağırsaq əməliyyatından sonra ümumi anesteziyanın yan təsirlərindən əziyyət çəkdiyi üçün dizində əməliyyatdan imtina edib. Bu il səlahiyyətlərinin 10-cu ilini tamamlayan Roma Papası Fransisk səhhəti imkan vermədiyi təqdirdə istefa verəcəyini istisna etmir. Müasir dövrdə papaların ölənə qədər vəzifədə qalmaq ənənəsini pozan ilk şəxs 2013-cü ildə istefa verən əvvəlki Papa XVI Benedikt olub.

Francis, keçən ilin sonunda verdiyi açıqlamada, tibbi səbəblərdən bu vəzifəni tərk etməli olacağı hal üçün istefa məktubunu hazırladığını söyləyib.
//bizimyol.infoскачать dle 11.3






Şahidi olduğunuz hadisələri çəkib bizə göndərin!