“Apple” yeni “iPhone 17 Pro” və “Pro Max” modellərində səmərəliliyi artırmaq üçün mühüm bir yeniliyə imza atıb. Şirkət bu modellərdə ilk dəfə olaraq “12 GB RAM” istifadə edəcək.
 
Yüksək güc tələb edən tətbiqlər və oyunlar üçün böyük üstünlük yaradacaq bu dəyişiklik, eyni zamanda çoxtapşırıqlı istifadə və süni intellekt əsaslı funksiyalarda daha axıcı və sürətli təcrübə vəd edir.
 
Yaddaş tədarükü baxımından isə “Apple” yenə də etibarlı tərəfdaşlarına güvənir. Cənubi Koreya şirkəti “Samsung” bu modellərin əsas “RAM” tədarükçüsü olacaq və istehsalın təxminən 70%-ni qarşılayacaq. Bununla yanaşı, “SK hynix” və “Micron” kimi digər texnologiya nəhəngləri də tədarük zəncirində mühüm rol oynayacaqlar.
 
Yeni seriyanın əsas modelləri “iPhone 17” və “İPhone 17 Air” isə ilkin mərhələdə “8 GB RAM” ilə təqdim ediləcək. Lakin analitiklərə görə, tədarük vəziyyətinə uyğun olaraq, “Apple iPhone 17 Air” modelində də “12 GB RAM” seçimini dəyərləndirə bilər.
 
Mütəxəssislər bu addımı gələcəkdə bütün “iPhone” modellərində daha yüksək “RAM” tutumlarının standartlaşacağının göstəricisi kimi qiymətləndirirlər.
//sfera.azскачать dle 11.3