Rusiya-ABŞ danışıqları Fars körfəzi ölkələrindən birində keçirilə bilər
Rusiya və ABŞ arasında danışıqların növbəti raunduna hazırlıq gedir, görüş yaxın vaxtlarda Fars körfəzi ölkələrindən birində keçirilə bilər.
Bu barədə CNN telekanalı məlumat yayıb.
"Hazırda Rusiya ilə ABŞ arasında danışıqların ikinci raundunun tezliklə keçirilməsinə hazırlıq gedir, danışıqlar Fars körfəzi ölkəsində keçirilə bilər", - məlumatda bildirilib.
Qeyd edək ki, fevralın 18-də Ər-Riyadda Rusiya və ABŞ arasında yüksək səviyyəli danışıqlar aparılıb. Uzun müddətdən sonra keçirilən ilk görüş zamanı tərəflər Rusiya ilə ABŞ arasında əməkdaşlığın tam bərpası və qarşılıqlı maraq doğuran yeni sahələrə genişləndirilməsi üçün şəraitin yaradılmasını müzakirə ediblər.
Xüsusilə səfirliklərin və digər xarici qurumların işindəki süni məhdudiyyətlərin aradan qaldırılması, Ukrayna böhranının tezliklə həlli istiqamətində işə başlamaq üçün yüksək səviyyəli işçi qrupların formalaşdırılması barədə razılığa gəliblər.
İki ölkənin nümayəndə heyətlərinin ikinci görüşü İstanbulda keçirilib.
Bu barədə CNN telekanalı məlumat yayıb.
"Hazırda Rusiya ilə ABŞ arasında danışıqların ikinci raundunun tezliklə keçirilməsinə hazırlıq gedir, danışıqlar Fars körfəzi ölkəsində keçirilə bilər", - məlumatda bildirilib.
Qeyd edək ki, fevralın 18-də Ər-Riyadda Rusiya və ABŞ arasında yüksək səviyyəli danışıqlar aparılıb. Uzun müddətdən sonra keçirilən ilk görüş zamanı tərəflər Rusiya ilə ABŞ arasında əməkdaşlığın tam bərpası və qarşılıqlı maraq doğuran yeni sahələrə genişləndirilməsi üçün şəraitin yaradılmasını müzakirə ediblər.
Xüsusilə səfirliklərin və digər xarici qurumların işindəki süni məhdudiyyətlərin aradan qaldırılması, Ukrayna böhranının tezliklə həlli istiqamətində işə başlamaq üçün yüksək səviyyəli işçi qrupların formalaşdırılması barədə razılığa gəliblər.
İki ölkənin nümayəndə heyətlərinin ikinci görüşü İstanbulda keçirilib.
