İyul ayında "Google Chrome"da böyük nasazlıq yaranıb və nəticədə milyonlarla "Windows" istifadəçisi parolla brauzerə daxil ola bilməyib.
Median.Az "Forbes"a istinadən xəbər verir ki, problemə görə istifadəçilər köhnə parollarını tapa və ya yenilərini yadda saxlaya bilməyiblər. Problemin "Windows"da "Chrome 127" istifadəçilərinin təxminən 2%-nə təsir etdiyi qiymətləndirilir ki, bu da təxminən 15 milyon istifadəçi təşkil edir. Ancaq "Chrome"un 3 milyarddan çox insanın istifadə etdiyini nəzərə alsaq, bu rəqəm daha da çox ola bilər.
"Google"un təklif etdiyi müvəqqəti həll yolu brauzerin "enable-features=SkipUndecryptablePasswords" bayrağından istifadə edərək komanda xətti vasitəsilə işə salınmasını tələb edirdi ki, bu da əksər istifadəçilər üçün əlverişsiz idi. Bununla belə, şirkət insidentə tez reaksiya verib və artıq iyulun 25-də yalnız brauzerin yenidən işə salınmasını tələb edən xəta üçün düzəliş təqdim edib.
"Google" narahatlığa görə üzr istəyib və problem yaşayan istifadəçilərə "Google Workspace" dəstəyi ilə əlaqə saxlamağı tövsiyə edib.
Şahidi olduğunuz hadisələri çəkib bizə göndərin!
Son Əlavə