Azərbaycanda üç xəstəxana körpələrdən topuq testi götürəcək
UNICEF-in dəstəyi ilə “Ana və uşaq sağlamlığının yaxşılaşdırılmasına dair 2014-2022-ci illər üçün Dövlət Proqramı”na əsasən Elmi Tədqiqat Mamalıq və Ginekologiya İnstitutu, Respublika Perinatal Merkezi və Sumqayıt Perinatal Mərkəzində həkim neonatoloqlar tərəfindən “Neonatal skrininq” həyata keçirilməyə başlayıb.
Bu barədə "Report"a UNİCEF Azərbaycan-dan məlumat verilib.
Neonatal skrininqlərdə - topuq testi götürülərək irsi xəstəliklərin diaqnostikası aparılır. Müayinə nəticəsində xəstəlik aşkar olunduqda və ya şübhəli testlərdə ailə ilə əlaqə saxlanılaraq aidiyyatı ilkin səhiyyə müəssisəsinə məlumat verilir.
Qeyd edək ki, topuq testi vasitəsilə yenidoğulmuş uşaqlarda beş irsi xəstəliyin diaqnostikası həyata keçirilir və beləcə xəstəliklərin erkən aşkarlanması və ağır nəticələrin əmələ gəlməsinin qarşısını almağa köməklik edir.
скачать dle 11.3
Şahidi olduğunuz hadisələri çəkib bizə göndərin!
Son Əlavə