"İdeal"ın keçmiş sahibi məhkəməyə etiraz edib » Median.Az - Bütün xəbərlər bir ünvanda
14:29 Azərbaycan ordusunun mayoru koronavirusdan vəfat edib  |     14:26 BMT Azərbaycana təşəkkür edib  |     13:24 Bakıda eyni ünvanda iki kişi meyiti aşkarlandı: Biri öldürülüb  |     23:57 Bakıda yunan musiqisi gecəsi keçirilib  |     23:50 Avropada qazın qiyməti həftə ərzində 17 % bahalaşıb  |     23:44 Rusiyada Njde haqqında filmin nümayişi dayandırılıb  |     23:38 Türkiyədə rekord sayda yoluxma qeydə alınıb  |     23:30 Çadda icmalararası toqquşmalarda 14 nəfər ölüb  |     23:22 Gürcüstan Prezidenti: "Saakaşvilinin əfvi ölkədəki vəziyyəti pisləşdirəcək"  |     23:15 Yanvar üzrə bütün sosial ödənişlər başa çatdırılıb  |     23:08 YAP-ın şəhər və rayon təşkilatına yeni sədrlər təyin olunub – SİYAHI  |     22:59 BMT Təhlükəsizlik Şurasının Ukrayna üzrə iclası yanvarın 31-nə təyin edilib  |     22:53 Britaniya səfiri: "Qarabağ müharibəsindən sonra regionda əməkdaşlıq imkanları çoxalıb"  |     22:46 “Brent” markalı neft bahalaşıb  |     22:42 Portuqaliya Qran-prisi: Azərbaycan cüdoçusu finala yüksəlib  |     22:35 Rusiya veteranları Njde haqqında filmin nümayişi ilə bağlı Baş prokurora müraciət ediblər  |     22:29 Qubada şəhid bulağının açılışı olub  |     22:19 UEFA "Marsel" - "Qarabağ" oyunu üçün iki variant təklif edib  |     22:14 Əli Əsədov Ümumdünya Gömrük Təşkilatının Baş katibi ilə görüşüb  |     22:07 “Rosaviasiya” Tbilisi-Moskva reysinin ləğvi ilə bağlı açıqlama yayıb  |    

"İdeal"ın keçmiş sahibi məhkəməyə etiraz edib
Bakı Ağır Cinayətlər Məhkəməsində “İdeal” mağazalar şəbəkəsinin keçmiş rəhbəri İlqar İsmayılovun cinayət işi üzrə növbəti məhkəmə iclası keçirilib.

Hakim Əli Məmmədovun sədrlik etdiyi prosesdə cinayət işi materialları üzrə sənədlərin tədqiqi mərhələsi davam etdirilib.

Prosesdə müdafiə tərəfinin vəsatətinə əsasən, bəzi sənədlər elan edilib. Sənədlərdən məlum olub ki, ittihama əsasən, İ.İsmayılov 2013-cü ilin iyun ayında şirkətin kassasından 280 min manat məxaric edərək “Şəhər bağları” MTK-dan mənzil alıb.

Vəkillər isə bildirib ki, təqsirləndirilən şəxsin “Şəhər bağları” MTK-dan aldığı mənzilə görə ödəmə təsdiqini tapmır.

Belə ki, elan olunan sənəddə İ.İsmayılov həmin mənzilə 1 milyon manat ödəyərək may ayında mənzilə sahib olub.

Vəkillər məhkəmədə vəsatət qaldırıb ki, “İdeal Kompani”nin digər ortağı və onun nümayəndəsi Fuad Əliyev məhkəməyə çağırılıb, dindirilsin: “Çünki ittihamda iddia olunur ki, İlqar İsmayılov şirkətin gəlirlərini digər ortağının xəbəri olmadan, özbaşına götürüb, şəxsi ehtiyaclarına xərcləyib. İlqar İsmayılov isə deyir ki, yalandır, mənfəət həmişə digər təsisçi ilə bölüşdürülüb. Pulu da nümayəndəsi olan Fuad Əliyevə çatdırıblar. Məhkəmədə dindirilən şahidlər də bunu təsdiqləyiblər”.

Məhkəmə vəsatətləri təmin etməyib.

Müdafiə tərəfi cinayət işinin materiallarında olan qəbzlə bağlı ekspertiza keçirilməsini istəyib: “İttihamda İlqar İsmayılova mənimsəməsi ittiham olunan 280 min manatlıq qəbz rəngli formada təqdim olunub. Həmin qəbzə diqqətlə baxdıqda onun rəngli kserosurət olduğu aydın şəkildə görünür”.

Məhkəmə bu vəsatəti də təmin etməyib.

Vəsatətlərin təmin edilməməsindən sonra müdafiəçilər məhkəməyə təqsirləndirilən şəxsin yazılı etirazını elan ediblər. İ.İsmayılov işin başqa məhkəmənin icraatına verilməsi üçün etirazının Bakı Apellyasiya Məhkəməsinə göndərilməsini xahiş edib.

Məhkəmə yazılı etirazı qəbul edib.

Növbəti prosesi dekabrın 13-nə təyin edib.

Qeyd edək ki, İ.İsmayılov 2011-2017-ci illərdə tutduğu vəzifəsindən sui-istifadə edərək 680 min manata yaxın məbləğdə pul vəsaitini mənimsəməkdə təqsirləndirilir.

Ona Cinayət Məcəlləsinin 179.3.2-ci və 308.2-ci maddələri ilə ittiham elan edilib, Binəqədi Rayon Məhkəməsinin qərarı ilə barəsində həbs qətimkan tədbiri seçilib.скачать dle 11.3





Şahidi olduğunuz hadisələri çəkib bizə göndərin!




            114 06.12.21 18:32