Londonda Azərbaycan icmasının üzvləri ilə görüş keçirilib » Median.Az - Bütün xəbərlər bir ünvanda
23:57 Bakıda yunan musiqisi gecəsi keçirilib  |     23:50 Avropada qazın qiyməti həftə ərzində 17 % bahalaşıb  |     23:44 Rusiyada Njde haqqında filmin nümayişi dayandırılıb  |     23:38 Türkiyədə rekord sayda yoluxma qeydə alınıb  |     23:30 Çadda icmalararası toqquşmalarda 14 nəfər ölüb  |     23:22 Gürcüstan Prezidenti: "Saakaşvilinin əfvi ölkədəki vəziyyəti pisləşdirəcək"  |     23:15 Yanvar üzrə bütün sosial ödənişlər başa çatdırılıb  |     23:08 YAP-ın şəhər və rayon təşkilatına yeni sədrlər təyin olunub – SİYAHI  |     22:59 BMT Təhlükəsizlik Şurasının Ukrayna üzrə iclası yanvarın 31-nə təyin edilib  |     22:53 Britaniya səfiri: "Qarabağ müharibəsindən sonra regionda əməkdaşlıq imkanları çoxalıb"  |     22:46 “Brent” markalı neft bahalaşıb  |     22:42 Portuqaliya Qran-prisi: Azərbaycan cüdoçusu finala yüksəlib  |     22:35 Rusiya veteranları Njde haqqında filmin nümayişi ilə bağlı Baş prokurora müraciət ediblər  |     22:29 Qubada şəhid bulağının açılışı olub  |     22:19 UEFA "Marsel" - "Qarabağ" oyunu üçün iki variant təklif edib  |     22:14 Əli Əsədov Ümumdünya Gömrük Təşkilatının Baş katibi ilə görüşüb  |     22:07 “Rosaviasiya” Tbilisi-Moskva reysinin ləğvi ilə bağlı açıqlama yayıb  |     22:01 Azərbaycan və İran xarici işlər nazirləri arasında telefon danışığı olub  |     21:55 Ukraynanın tanınmış boksçusu intihar edib  |     21:49 Xocalı soyqırımının otuzuncu ildönümü ilə əlaqədar tədbirlər planı hazırlanacaq  |    

Londonda Azərbaycan icmasının üzvləri ilə görüş keçirilib
London şəhərində Azərbaycan icmasının üzvləri ilə görüş keçirilib.

Görüşdə soydaşlarımızla yanaşı, “Türk Okullar Dərnəyi”nin rəhbəri və türk icmasının nümayəndələri də iştirak ediblər.

Azərbaycanın Dövlət Himninin səsləndirilməsi ilə başlayan tədbirdə ölkəmizin ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib.

Tədbiri giriş sözü ilə açan Diasporla İş üzrə Dövlət Komitəsinin sədri Fuad Muradov Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Vətən müharibəsində qazanılmış şanlı qələbənin birinci ildönümü münasibətilə soydaşlarımızı təbrik edib, müharibə dönəmində və ötən bir il ərzində ölkəmizin haqq səsini dünya ictimaiyyətinə çatdırmaq naminə nümayiş etdirdikləri birlik, həmrəylik və fədakar fəaliyyətə görə Londondakı Azərbaycan icmasının üzvlərinə minnətdarlığını bildirib.

Son illər müxtəlif ölkələrdə, o cümlədən Birləşmiş Krallıqda Azərbaycan diaspor nümayəndələrinin təşkilatlanmasında, yerli cəmiyyətə inteqrasiyasında, mədəniyyət, təhsil və sosial vəziyyətlərində irəliləyiş müşahidə olunduğu, lobbiçilik istiqamətində ölkəmizə faydalı olacaq addımlar atıldığı vurğulanıb. Azərbaycan dövlətinin diaspor siyasəti, Prezident İlham Əliyevin tapşırığı ilə Dövlət Komitəsinin həyata keçirdiyi və nəzərdə saxladığı layihələr, Koordinasiya Şuralarının, Azərbaycan Evlərinin yaradılması, qarşıda duran hədəflər və vəzifələr barədə müfəssəl məlumat verilib.

Tədbirdə Diasporla İş üzrə Dövlət Komitəsinin fəaliyyətinə, diaspor nümayəndələrinin Şuşaya səfərlərinə, Vətən müharibəsi qəhrəmanlarının xatirəsinə həsr edilmiş videoçarxlar nümayiş olunub.

Dörd saata yaxın davam edən görüşdə 30 nəfər icma üzvü çıxış edərək, diaspor fəaliyyətinin gücləndirilməsi, Azərbaycan həqiqətlərinin yerli ictimaiyyətə daha geniş şəkildə çatdırılması üçün gələn ilki fəaliyyət planı ilə bağlı təkliflərini səsləndirib, diaspor nümayəndələrinin Şuşaya səfərlərinin təşkilinə görə Azərbaycan dövlətinə təşəkkürlərini bildiriblər.

Görüşdən sonra Birləşmiş Krallıqda yaşayan Azərbaycanlıların Koordinasiya Şurasının üzvləri ilə toplantı keçirilib.скачать dle 11.3





Şahidi olduğunuz hadisələri çəkib bizə göndərin!




            126 04.12.21 19:20