Azərbaycan sumo yığması Avropa ikincisi oldu

Azərbaycan sumoçuları İsveçrənin Renan şəhərində keçirilən U-18 yeniyetmələr arasında Avropa birinciliyində 7 medal qazanaraq, ümumi hesabda ikinci yeri tutublar.

İdmançılar iki qızıl, üç gümüş, iki bürünc medal əldə ediblər.

Rauf Yadigarlı (mütləq çəki) və Cavidan Nəhmətov (70 kq) fəxri kürsünün ən yüksək pilləsinə qalxıblar. Coşqun Kəlbiyev (55 kq), Kamran Rəcəbli (70 kq) və Abdullah Şərif (90 kq) ikinci, Rauf Yadigarlı (+100 kq) üçüncü yeri tutublar.

Komanda yarışında isə Rauf Yadigarlı, Məhəmməd Təmirov, Şərif Abdullah və Əli Hümbətzadədən ibarət kollektiv bürünc medala sahib çıxıb.