Türkiyənin Adıyaman şəhərində faciənin qarşısı alınıb.
“Haber Global” məlumat verir ki, şəhidləri ziyarət etmək üçün qəbirsanlığa gələn şagirdlər ağlayan körpə səsi eşidiblər.
Səs gələn tərəfə gedən məktəblilər bədəni torpağın altında olan uşağın çöldə qalan ayaqlarını görüblər. 2-3 günlük körpə diri-diri torpağa basdırılıbmış.
Uşaqlar yenidoğulmuşu torpağın altından çıxarıblar.
Çox güman ki, qəbirstanlığa nəzarət edən şəxs cümə namazına gedəndə kimsə qızı torpağa basdırıb.
Körpə xəstəxanaya çatdırılıb və reanimasiyaya yerləşdirilib.