Kapitanı azərbaycanlı olan gəmi 32 suriyalı miqrantı xilas etdi - VİDEO » Median.Az - Bütün xəbərlər bir ünvanda
14:59 Rusiya “AstraZeneca” vaksininin istehsalına başladı  |     14:40 Yolun ortasına stol-stul qoyub COVID-19 qadağalarına etiraz etdilər – VİDEO  |     14:38 Bakıda iki avtomobil toqquşub  |     14:20 Nəriman Abbasov Həbib Nurməhəmmədovun qohumuna nokautla qalib gəldi - VİDEO  |     14:04 Fransa və ABŞ arasında diplomatik qalmaqal: Rəsmi Paris Vaşinqtondakı səfirini geri çağırdı  |     14:01 Makronu Hitlerə bənzədən şəxs cərimələndi  |     13:44 Bu gün Milli Musiqi Günüdür  |     13:42 Lukaşenko Polşa və Litva şəhərlərini Belarus torpağı adlandırdı  |     13:34 Azərbaycan və İran Gorus-Qafan yolundakı vəziyyəti müzakirə edib  |     13:13 Narkotik yetişdirən Şəmkir sakini saxlanıldı  |     23:53 Məktəbli çantası yüngül, rahat və uşağın çəkisinə uyğun olmalıdır  |     23:46 ABŞ Avstraliyada hərbi kontingentini artırır  |     23:39 Həbib Nurməhəmmədov: "Nəriman Abbasovu bilərəkdən rəqib seçmişik"  |     23:28 Koronavirusdan ölənin meyitini niyə evə qoymurlar - Ölüdən virus keçirmi?  |     23:20 Koronavirus kanalizasiya suları ilə dənizə yaylır  |     23:13 Dördüncü dalğa əvvəlki 3 dalğadan da güclü olacaq - Ekspertdən SƏBƏBLƏR  |     23:06 Gənc yaşda saçlar niyə ağarır? - Ağ tükü qoparmaq olmaz  |     22:59 "Taliban" müqavimət cəbhəsi ilə danışıqlara başlayır  |     22:50 Pele yenidən reanimasiya şöbəsinə köçürülüb  |     22:44 Qadınlardan ibarət futbol millimiz Rusiyaya məğlub olub  |    

Kapitanı azərbaycanlı olan gəmi 32 suriyalı miqrantı xilas etdi - VİDEO
İyulun 22-də Malta bayrağı altında Aralıq dənizində üzən, kapitanı milliyyətcə azərbaycanlı Rafiq Əfəndiyev olan “Aral” tankeri 32 suriyalı miqrantı xilas edib.

Bu barədə “Report”a açıqlama verən kapitan bildirib ki, xilasetmə əməliyyatı Krit adasının 70 mil Cənub-Şərqində baş tutub:

“İyulun 22-i idi. Aralıq dənizində Şimal-Qərbdən gələn 7-8 bal gücündə fırtına var idi. Bakı vaxtı ilə saat 13:40-da məni “Olympia” radiosundan çağırdılar. Xarici ölkələrarası təcili yardım üzrə dənizdə xilasetmə ofisi ilə əlaqəyə keçdim. Onlar bildirdilər ki, bizdən 18 mil Şimal-Qərbdə bir qayıq qəza siqnalı verib və biz təcili həmin əraziyə getməliyik. Xəbəri alan kimi kursu dəyişmək əmri verdim. Təxminən iki saata qəza siqnalı verən qayığa çatdıq. “Rahvan” adlanan pirat qayığının üzərində Türkiyə bayrağı asılmışdı və onun Türkiyəyə məxsus olduğu iddia edilsə də, bu elə deyildi.

Yaxtada olan qaçqınlar əsasən suriyalılar idi. Həmçinin onlar arasında iki İran, bir Fələstin vətəndaşı da var idi.

Xilas etdiyimiz insanlar heç özləri qayıqda neçə nəfərin olduğunu bilmirdilər. Biri 45, digəri 48 adam olduğunu söylədi. Mən təcili xilasetmə ofisinə 45 nəfər olduğunu və 32 nəfəri xilas etdiyimizi bildirdim. Miqrantların sözlərinə görə, altı nəfəri hansısa helikopter xilas edib. Bir nəfəri isə alman tankeri xilas edib və onu yunan helikopteri Krit adasına aparıb.

Biz 32 nəfəri xilas etdikdən sonra, təxminən Yunanıstan vaxtı ilə 19:00-da daha bir saat axtarış-xilasetmə əməliyyatlarını apardıq. Sağ qalan tapmasam da iki qadın cəsədi aşkar etdim. Daha sonra kursu Krit adasının “IEREPETRA” limanına doğru dəyişdim. Artıq iyulun 23-ü saat 03:00-da miqrantlar sağ-salamat adaya çatmışdılar”.

Kapitan qeyd edib ki, sahilə çıxarılan qaçqınlara isti içki və qida verilib, yaralı olanlara ilkin tibbi yardım göstərilib: “Təxminən üç saat sonra, yəni səhər saat 06:00-da Krit adasının sahil təhlükəsizlik xidməti həmin miqrantları təhvil aldı. Xilas etdiklərimiz arasında 1-i qadın, 1-i 5 yaşlı qız uşağı, qalanı isə kişilər idi”.скачать dle 11.3





Şahidi olduğunuz hadisələri çəkib bizə göndərin!




            318 26.07.21 11:40