Azərbaycan Beynəlxalq Astronavtika Federasiyasının tədbirində iştirak edir » Median.Az - Bütün xəbərlər bir ünvanda
20:48 Şuşa Radio Qovşağının yenilənməsi nəzərdə tutulur  |     19:58 Azad edilmiş ərazilərdə kənd və qəsəbələrin memarlıq siması müəyyənləşdirilir  |     19:43 Sahibə Qafarova türkiyəli həmkarına başsağlığı verib  |     19:32 Hadrutda İdarələrarası Mərkəzin 3 İşçi Qrupunun birgə iclası keçirilir  |     19:27 Futbolçuları daşıyan avtobus partladılıb, 4 nəfər ölüb  |     19:25 Deputat Eldəniz Səlimovun məsələsi Milli Məclisin plenar iclasında müzakirəyə çıxarılır  |     19:14 TƏBİB rəsmisi xəstəxanaların fəaliyyətini tənqid edib  |     19:10 Səlçuk Bayraktardan Türkiyədəki meşə yanğınlarına dair AÇIQLAMA  |     19:02 Hacıqabulda yol qəzasında bir nəfər ölüb, beş nəfər xəsarət alıb  |     18:56 Türkiyə hərbçiləri daha 2 terrorçunu zərərsizləşdirdi  |     18:55 Karantin qaydalarını pozaraq şənlik keçirənlər cərimələndi  |     18:26 Azərbaycanda dəhşətli cinayət: Taksi sürücüsünü öldürüb basdırdılar  |     18:24 Gəncədə narkotik istifadəçiləri saxlanıldı  |     18:08 Baş həkim qazinin ayağını müayinə etmək üçün pul tələb edib? - VİDEO  |     17:48 Ağdamın Şuraabad kəndindən görüntülər - VİDEO  |     17:46 Lukaşenko Olimpiadadakı idmançılara: “Turist kimi gedib, ölkəyə əliboş qayıtmayın”  |     17:45 Sosial şəbəkədə yeddi kiloqram narkotik alan narkotacir saxlanıldı - FOTO/VİDEO  |     17:44 Samuxda ferma sahibini öldürən çoban tutuldu  |     17:42 Rusiya XİN: Azərbaycan-Ermənistan sərhədində baş verən son silahlı insidentlər narahatlıq doğurur - RƏSMİ  |     17:37 İlham Əliyev avtomobil yolunun tikintisinə 5,6 milyon manat ayırdı - SƏRƏNCAM  |    

Azərbaycan Beynəlxalq Astronavtika Federasiyasının tədbirində iştirak edir
Nəqliyyat, rabitə və yüksək texnologiyalar naziri Rəşad Nəbiyevin rəhbərliyi ilə “Azərkosmos” ASC-ni təmsil edən mayəndə heyəti Rusiyanın Sankt-Peterburq şəhərində Beynəlxalq Astronavtika Federasiyasının qlobal kosmik tədqiqat üzrə keçirilən “GLEX 2021” tədbirində iştirak edir.

Bu barədə “Report”a Nazirliyin mətbuat xidmətindən məlumat verilib.

Məlumata görə, tədbir kosmonavt Yuri Qaqarinin “bəşəriyyət üçün yeni bir dövr”ün başlanğıc simvolu sayılan kosmik uçuşunun 60-cı ildönümünə həsr olunub.
“GLEX 2021”də Azərbaycanın kosmik sənayesinin tarixindən, son 10 ildə ölkəmizin kosmik sahədəki fəaliyyətindən, o cümlədən mədəniyyət və tarixindən, turizm potensialından bəhs edən stend, təqdimat və video roliklər nümayiş olunur.

Tədbirin açılış mərasimində çıxış edən R.Nəbiyev bu ilin aprel ayında Prezident İlham Əliyevin imzaladığı fərman əsasında yaradılmış Kosmik Agentlik haqqında danışıb. Nazir bildirib ki, Agentliyin fəaliyyəti qlobal və regional səviyyədə kosmik diplomatiya və tərəfdaşlığın qurulması, kosmik elm, təhsil və sənaye sahələrində davamlı formada bilik və bacarıqların artırılması, habelə telekommunikasiya və Yer müşahidəsi xidmətləri üzrə əməkdaşlığın genişləndirilməsi üçün möhkəm zəmin yaradacaq.

Daha sonra R.Nəbiyev 2023-cü ildə paytaxtımızda keçiriləcək 74-cü Beynəlxalq Astronavtika Konqresinin ölkəmizdə, xüsusilə regionda kosmik sahənin inkişafına “yeni nəfəs” gətirəcəyinə əminliyini ifadə edib.

“GLEX 2021” platforması vasitəsilə beynəlxalq kosmik ictimaiyyət və tədbirin qonaqları 2023-cü ildə Bakıda keçiriləcək Beynəlxalq Astronavtika Konqresinə dəvət olunub.

Kosmik ictimaiyyəti bir araya gətirən “GLEX 2021” tədbirində Beynəlxalq Astronavtika Federasiyasına üzv olan dövlətlərin – Azərbaycan, Türkiyə, Rusiya, Birləşmiş Ərəb Əmirlikləri, Avstriya, Fransa, Norveç, Belçika, Polşa, Almaniya, İtaliya, Malayziya, Meksikanın kosmik agentlikləri, o cümlədən kosmik missiyaları həyata keçirən kosmonavtların iştirakı ilə plenar və silsilə sessiyalar keçirilir. Bu platforma ölkəmiz üçün kosmik sahə üzrə qlobal səviyyədə yeni əməkdaşlıqların, kosmosdan həm sülh, həm də kommersiya məqsədilə potensial tərəfdaşlarla qarşılıqlı işgüzar münasibətlərin qurulması baxımından geniş imkanlar yaradır.
“GLEX 2021” tədbiri kosmik sahə üzrə tədqiqatlar və yeni missiyalar mövzularını əhatə edən toplantılarla iyunun 18-nə qədər davam edəcək.скачать dle 11.3





Şahidi olduğunuz hadisələri çəkib bizə göndərin!




            153 15.06.21 19:39