İlham Əliyev: “Naxçıvana ən müasir, ən son texnologiyaya əsaslanmış hərbi texnika gətirilir” » Median.Az - Bütün xəbərlər bir ünvanda
14:21 Polisin intihar etməsi ilə bağlı araşdırmalar aparılır  |     14:08 Sabah hava necə olacaq?  |     13:38 İmişli sakinindən odlu silah və narkotik götürülüb - FOTO  |     13:37 AQTA 8 xəstəxanada nöqsan aşkarlayıb, sənədlər Baş Prokurorluğa göndərilib  |     13:35 Azərbaycanda məmur iş başında öldü  |     13:28 Deputat ağıllı sayğaclardan şikayətləndi  |     13:22 DİN-dən əməliyyat: Saxta spirtli içki hazırlayan şəbəkə ələ keçdi - VİDEO  |     13:15 Vətən müharibəsi qazisi evləndi  |     13:12 Türkiyədə zəlzələ təhlükəsi: 50 min bina çökə bilər  |     13:10 BMT nümayəndələri Qarabağa səfər edəcək - RƏSMİ  |     12:58 Avqustun 1-dən iş və xidmət sahələrində COVID-19 pasportu tələb olunacaq  |     12:55 Ağcabədi sakini külli miqdarda heroinlə tutuldu - FOTO  |     12:52 “Taliban”da vuruşmaqda təqsirləndirilən azərbaycanlıların məhkəməsi başlayır  |     12:50 Bu gün daha 13 erməni terrorçunun məhkəməsi başlayır  |     12:43 “Sputnik V”nin yeniyetmələr üzərində sınaqlarına başlayırlar  |     12:40 Türkiyəyə görə Rusiyada tətil qiymətləri ucuzlaşa bilər  |     12:39 Sudanda onkoloji fəlakət: Uşaqlar etiraza başladılar  |     12:36 Koronavirusun yeni ölümcül taktikası açıqlanıb  |     12:35 Avstraliya gələn ilin sonuna qədər sərhədləri açmayacaq  |     12:34 Koronavirusdan sağalanlarda anticisimləri öldürən yeni ştamm aşkarlanıb  |    

İlham Əliyev: “Naxçıvana ən müasir, ən son texnologiyaya əsaslanmış hərbi texnika gətirilir”
“Deyə bilərəm ki, Naxçıvanın müdafiə potensialının möhkəmlənməsinə həmişə böyük diqqət göstərilib. Təsadüfi deyil ki, mənim göstərişimlə Naxçıvanda Ümumqoşun Əlahiddə Ordu yaradılmışdır və ordu ən müasir silah və texnika ilə təchiz edilmişdir. Bu gün Naxçıvan ordusunda olan hərbi texnika deyə bilərəm ki, bəlkə də bəzi qabaqcıl ölkələrdə olan texnikadan üstündür. Çünki Naxçıvana ən müasir, ən son texnologiyaya əsaslanmış texnika gətirilir”.

AZƏRTAC xəbər verir ki, bu sözləri Prezident İlham Əliyev Naxçıvan Muxtar Respublikasına səfəri zamanı Azərbaycan Televiziyasına müsahibəsində deyib.

Dövlət başçısı bildirib ki, bütövlükdə Azərbaycan Ordusuna xaricdən gətirilmiş texnikaların böyük əksəriyyətinin nümunələri Naxçıvan Muxtar Respublikasında mövcuddur:

“Əlbəttə ki, Naxçıvan Ümumqoşun Əlahiddə Ordunun döyüş qabiliyyəti də yerindədir və uğurlu Günnüt əməliyyatı - üç il bundan əvvəl keçirilmiş əməliyyat bunun bariz nümunəsidir. O əməliyyat Ermənistanda hakimiyyət dəyişikliyinə təsadüf etdi, ona görə, hakimiyyətə gəlmiş yeni iqtidar bunu bir növ ört-basdır etməyə çalışdı. Biz də heç üstünü vurmadıq. Çünki bizə hansısa təbliğat yox, real iş lazımdır. Biz çox önəmli strateji yüksəklikləri Ermənistan ordusundan təmizlədik, o yüksəklikləri əldə etdik. Bu yüksəkliklər imkan verdi ki, biz artıq strateji kommunikasiyalara tam nəzarət edirik və Ermənistandan Dağlıq Qarabağa gedən yola da nəzarət edirik. İkinci Qarabağ müharibəsində bu yola nəzarət imkanlarımız bizə bir çox informasiyanın əldə edilməsində kömək göstərdi. Qarşı tərəf bilir ki, bizim nəzarətimizdə olan bu kommunikasiyalar istənilən vaxt kəsilə bilər və əlbəttə, öz addımlarını buna uyğun atmalıdır.

Günnüt əməliyyatı, biz də dediyim kimi, bunun üstünü vurmaq istəmədik. Amma ondan sonra Ermənistanın artıq devrilmiş hakimiyyətinin jurnalist nümayəndələri gedib bizim yeni postlarımızı çəkib, bunu internetdə qoyubdur, paylaşıbdır və ondan sonra Ermənistanda hay-küy qalxdı. Onda mən dedim ki, daha biz də niyə gizlətməliyik? Naxçıvan Muxtar Respublikasının Ali Məclisinin Sədrinə tapşırıq verdim ki, siz də məlumat verin, çəkiliş qrupu göndərin və çəkiliş qrupu getdi, həmin o yüksəklikləri gördü. Yəni, Günnüt əməliyyatı Naxçıvan Ordusunun potensialını göstərdi, Azərbaycan Ordusunun potensialını göstərdi.

İkinci Qarabağ müharibəsində Naxçıvan Ordusunun hərbçiləri - həm xüsusi təyinatlılar, həm digər birləşmələrin hərbçiləri fəal iştirak etmişlər və şəhidlər vermişlər, böyük fədakarlıq göstərmişlər. Bilirsiniz ki, Naxçıvandan Bakıya xüsusi qruplar gətirilmişdi. Eyni zamanda, mən onu da bildirməliyəm, yəni, artıq bildirə bilərəm ki, Naxçıvan Ordusunda olan silahların, sursatların bir hissəsi də Bakıya gətirilmişdir və cəbhə bölgəsinə göndərilmişdir. İndi biz həmin o silah-sursatların ehtiyatlarını təmin edirik, ancaq bu da olub. Ona görə Naxçıvan Muxtar Respublikasının həm respublikanın hüdudlarının müdafiə edilməsində, ümumiyyətlə, ölkəmizin ordu potensialının güclənməsində çox böyük rolu var və hər zaman Naxçıvan lazımi dərəcədə müdafiə olunacaqdır”.скачать dle 11.3





Şahidi olduğunuz hadisələri çəkib bizə göndərin!




            174 10.05.21 19:25