Azərbaycanın qadın güləşçisi Tatyana Omelçenko Macarıstanın paytaxtı Budapeştdəki Avropa Olimpiya Təsnifat Turnirində bürünc medal qazanıb.
"Report"un məlumatına görə, 62 kq-dakı idmançı medal uğrunda görüşdə Türkiyə təmsilçisi Elif Yeşilırmaka qalib gəlib.
Leyla Qurbanova (53 kq) və Elis Manolova (68 kq) isə müvafiq olaraq Moldova təmsilçiləri Yuliya Leorda və İrina Ringaciyə uduzaraq, "bürünc" şansını əldən veriblər.
Qeyd edək ki, Azərbaycanı turnirdə təmsil edən 5 qadın güləşçidən heç biri Tokio-2020 Yay Olimpiya Oyunlarına lisenziya qazana bilməyib.
Şahidi olduğunuz hadisələri çəkib bizə göndərin!
Son Əlavə