Zakir Həsənov pakistanlı səfiri qəbul etdi » Median.Az - Bütün xəbərlər bir ünvanda
22:56 Hikmət Hacıyev yeni ailə quran cütlüyü təbrik etdi  |     22:47 İstirahət mərkəzində yanğın  |     22:39 Azərbaycanlı ailə 28 il sonra doğma yurdunda çay içdi - VİDEO  |     22:28 Ərdoğan: “Qara dəniz sülh dənizi olaraq qalmalıdır”  |     22:20 Koronavirus intiharların artmasına təsir göstərir: “İnsanlarda fobiyalar artıb”  |     22:13 Zelenski: “Türkiyənin suverenliyimizin yenidən bərpa edilməsi mövzusundakı dəstəyi önəmlidir”  |     22:02 Dünya çempionumuz ikinci dəfə Avropa birincisi ola bilmədi  |     21:47 Bərdədə avtomobil qəzasında iki nəfər xəsarət alıb  |     21:39 Ərdoğan və Zelenskinin birgə mətbuat konfransı - CANLI  |     21:30 Qondarma “erməni soyqırımı”nın anım tədbirlərində iştiraka maraq niyə azalır?  |     21:23 Myanmada xaos bitmir: 19 nəfərə edam cəzası verildi, insanlar evlərini tərk edir  |     21:16 Qəbələdə qol dueli: “Neftçi” səfərdən xal itkisi ilə dönür - VİDEO  |     21:07 “Göl” restoranı bağlandı - FOTO  |     20:58 Aftandil Hacıyev: "Hər oyun bizim üçün imtahandır"  |     20:50 Hacıqabulda nişan mərasimi keçirən qudalar məsuliyyətə cəlb edilib  |     20:42 Goranboyda toy mərasimin keçirilməsinin qarşısı alınıb  |     20:34 Şahzadə Filipin dəfn tarixi məlum oldu  |     20:15 ETSN: Kürün aşağı axınında suyun duzluluğunun artması səbəbləri araşdırılır  |     20:04 ABŞ-dan yerli peyvəndlə bağlı açıqlama  |     19:54 Türkiyəli müğənni xərçəngə tutuldu - FOTO  |    

Zakir Həsənov pakistanlı səfiri qəbul etdi
Bu gün Azərbaycan Respublikasının Müdafiə naziri general-polkovnik Zakir Həsənov Pakistan İslam Respublikasının ölkəmizdə yeni təyin olunmuş fövqəladə və səlahiyyətli səfiri Bilal Haye ilə görüşüb.

Bu barədə Müdafiə Nazirliyi məlumat yayıb.

Bildirilib ki, səfiri ölkəmizdə diplomatik fəaliyyətə başlaması münasibətilə təbrik edən Müdafiə naziri Azərbaycan ilə Pakistan arasında əməkdaşlığın genişləndirilməsi istiqamətində ona uğurlar arzulayıb.

İki ölkə arasında bütün sahələrdə olduğu kimi hərbi sahədə də əməkdaşlığın inkişaf etdiyini vurğulayan Müdafiə naziri bunun gələcəkdə də davam etdiriləcəyinə əminliyini ifadə edib.

Görüşdə hərbi əməkdaşlığın hər iki ölkənin maraqlarına cavab verdiyi əsas gətirilərək bu istiqamətdə səylərin daha da artırılmasının zəruriliyi vacib hesab edilib. Müzakirələr zamanı Azərbaycan ordusu ilə Pakistan və Türkiyə Silahlı Qüvvələrinin müxtəlif qoşun növlərinin, o cümlədən xüsusi təyinatlı qüvvələrin cəlb edilməsi ilə birgə hərbi təlimlərin keçirilməsi, təcrübə mübadiləsi məqsədilə hərbi qulluqçuların qarşılıqlı səfərlərinin təşkili və bir sıra digər məsələlər ətrafında fikir mübadiləsi aparılıb.

Müdafiə naziri ölkəmizə göstərilən humanitar yardıma və beynəlxalq səviyyədə daim Azərbaycanın haqq işini dəstəklədiyinə görə Pakistan xalqına və dövlətinə minnətdarlığını ifadə edib.

Diplomat öz növbəsində Vətən müharibəsində qazanılan qələbə münasibətilə Azərbaycan xalqını təbrik edib, şəhid olan hərbi qulluqçulara və mülki şəxslərə Allahdan rəhmət, yaralılara isə şəfa diləyib.

B. Haye qeyd edib ki, ölkələrimizin coğrafi baxımdan bir-birindən uzaq məsafədə yerləşməsinə baxmayaraq, xalqlarımız arasında tarixən dostluq münasibətləri mövcuddur. Müxtəlif sahələrdə münasibətlərin genişlənərək xeyli gücləndiyini qeyd edən pakistanlı səfir iki ölkənin hərbi sahədə əməkdaşlığının böyük potensialının olduğunu bildirib.

Səfir azad edilmiş ərazilərin minalardan və partlamamış sursatlardan təmizlənməsi prosesində Pakistan mütəxəssislərinin də iştirak etməyə hazır olduğunu diqqətə çatdırıb.

Görüşdə ölkələrimiz arasında hərbi, hərbi-texniki, hərbi-təhsil və digər sahələrdə əməkdaşlığın inkişaf perspektivlərinə dair fikir mübadiləsi aparılıb, iki ölkə arasında hərbi əməkdaşlığın dostluq və qardaşlıq münasibətləri üzərində qurulduğu və tərəflər üçün qarşılıqlı faydalı olduğu vurğulanıb.скачать dle 11.3


Нажмите на эту ссылку, чтобы прочитать новость на русском языке.


Şahidi olduğunuz hadisələri çəkib bizə göndərin!




            420 15.01.21 17:00