İsveç Avropa İttifaqı ilə regionumuz arasında daha geniş əməkdaşlıqla bağlı həmişə fəal olub. Avropa İttifaqı ilə Azərbaycan arasında indi çox yüksək səviyyəli tərəfdaşlıq mövcuddur və bu tərəfdaşlıq bir çox sahələri əhatə edir
AZƏRTAC xəbər verir ki, bunu Prezident İlham Əliyev İsveçin Azərbaycanda yeni təyin olunmuş səfiri Kristian Kamillin etimadnaməsini qəbul edərkən deyib.
Dövlətimizin başçısı ümidvar olduğunu bildirib ki, yeni sazişlə bağlı danışıqlar uğurla davam edəcək.
“Əlbəttə ki, pandemiya ilə əlaqədar vəziyyət bizim planlarımıza müdaxilə etdi. Bizdə bir neçə ay davam edən karantin rejimi tətbiq olundu. Buna görə bizim heç bir fəal, fiziki təmaslarımız olmadı. Lakin faktiki olaraq əməkdaşlıq davam edir. Buna görə də əminəm ki, bizdə yeni əməkdaşlıq formatı olacaq”, - deyə Prezident qeyd edib.
комментариев