“Yunan mətbuatı səviyyəsiz, aşağılayıcı bir manşetə yol verib. Biz də Yunanıstanın Türkiyədəki səfirini nazirliyə çağırdıq”.

APA-nın yerli bürosunun xəbərinə görə, Türkiyə XİN başçısı Mövlud Çavuşoğlu Anadolu Xəbər Agentliyinə açıqlamasında belə bildirib.

Nazir bildirib ki, yunan qəzetinin manşetində Türkiyə Prezidenti haqqında təhqiramiz ifadələrə yer verilməsi ilə bağlı Yunanıstan Xarici İşlər Nazirliyinin üzürxahlığı qəbul edilsə də, Türkiyə Prezident Adminstrasiyasının İctimaiyyətlə Əlaqələr şöbəsi məsələ ilə əlaqədar fəaliyyətə başlayıb: “Həqarət söz azadlığı kimi dəyərləndirilməməlidir. Yunanıstanın bir çox məsələlərdə Türkiyə əleyhinə addım atmasının səbəbi həm də yunan mediasıdır. Təəssüf ki, görünən budur. Biz lazım olan tədbirləri görəcəyik”.скачать dle 11.3