Bakının Sabunçu rayonunda 19 yaşlı oğlanın ölümü ilə nəticələnən bədbəxt hadisə baş verib.
Bu barədə Oxu.Az-a hüquq-mühafizə orqanlarından məlumat daxil olub.
Belə ki, sentyabrın 16-sı saat 22:00 radələrində Ramana qəsəbəsində yerləşən avtoservisdə 2001-ci il təvəllüdlü alıcı İlyas Rzayevin üstünə kompressor aşıb.
O, aldığı xəsarətlərdən aparıldığı 3 saylı şəhər klinik xəstəxanasında bir gün sonra ölüb.
Rayon prokurorluğu hadisənin təfərrüatını araşdırır.
комментариев