Azərbaycanda əcnəbilər tərəfindən övladlığa götürülən uşaqların sayı açıqlanıb.
Bu barədə Milli Məclisin Əmək və sosial siyasət komitəsinin iclasında Əmək və Əhalinin Sosial Müdafiəsi Nazirliyinin Övladlığa götürmə siyasəti şöbəsinin müdiri Fərhad Ələkbərov məlumat verib.
O deyib ki, 2019-cu ilin noyabrın 1-dən indiyə qədər cəmi üç uşaq əcnəbiyə övladlığa verilib.
Onun sözlərinə görə, ötən ilin noyabrın 1-nə qədər 80-ə qədər uşaq əcnəbilər tərəfindən övladlığa götürülüb.
Qeyd edək ki, 2019-cu ilin noyabrın 1-dən Azərbaycanda övladlığa götürmə tam şəkildə Əmək və Əhalinin Sosial Müdafiəsi Nazirliyi tərəfindən həyata keçirilir.
Buna qədər isə həmin səlahiyyət Ailə, Qadın və Uşaq Problemləri üzrə Dövlət Komitəsində olub.