Türkiyədə koronavirusa yoluxanların və bu epidemiyadan ölənlərin sayı yenidən artmaqdadır. Ölkədə son sutka ərzində koronavirusdan 45 nəfər ölüb.
Bu barədə Türkiyənin Səhiyyə naziri Fəxrəddin Qoca jurnalistlərə açıqlamasında bildirib. Nazir həmçinin Türkiyənin koronavirusun birinci dalğasının ikinci pikini yaşadığını da qeyd edib.
Son 24 saatda ölkədə 107 927 şübhəli koronavirus testindən keçib, onlardan 1596-nın cavabı pozitiv olub.
Türkiyədə indiyə qədər 273 301 nəfər yeni növ koronavirus infeksiyasına yoluxub, onlardan 246 876 nəfər sağalıb, 6462 nəfər ölüb.