İranın şimal-qərb hissəsində, Türkiyə ilə sərhəddə zəlzələ baş verib.
“RİA Novosti” bu barədə İran Seysmoloji Mərkəzinın məlumatına əsasən xəbər yayır.
Seysmoloqların bildirdiyinə görə, 5,3 bal gücündə olan zəlzələnin episentri Qərbi Azərbaycan əyalətində, Katur kəndindən 22 kilometr məsafədə olub.
Yeraltı təkanların vilayətin ən böyük şəhəri və inzibati mərkəzi olan Təbrizdən 139 kilometr aralı, 10 kilometr dərinlikdə baş verdiyi bildirilir.
Zəlzələ yerli vaxtla 14.33-də qeydə alınıb.