Binəqədi sakinləri zibillikdən şikayətçidir.
Bu barədə Oxu.Az-a rayonun M.Ə.Rəsulzadə qəsəbəsi, İlham Hacıyev küçəsi, 63F ünvanında yaşayanlardan biri məlumat verib.
Sakinin sözlərinə görə, əraziyə kənardan ağac qırıntıları, taxta və əlavə məişət tullantıları atılır:
“Ərazidə təmizlik işləri aparılmır. İsti yay günlərində üfunətdən küçəyə çıxmaq olmur. Ötən dəfə təmizləyib getmişdilər. Lakin zibilliyin əlverişsiz yerdə olması ətrafda yaşayan sakinlərin bura inşaat materialları və digər tullantıları atmasına səbəb olur. Hər gün gördüyünüz vəziyyət hökm sürür”.
Məsələ ilə bağlı redaksiyamızın sorğusuna cavab olaraq Binəqədi Rayon İcra Hakimiyyətindən bildirdilər ki, vətəndaşın şikayəti tamamilə əsassızdır:
“Məsələ ilə bağlı bildirmək istəyirik ki, sakinlərin istifadəsində olan zibil meydançası uzun illərdir həmin ərazidə yerləşir. Bununla yanaşı, qeyd edilən ərazidə vətəndaşlar tərəfindən atılan məişət tullantıları öncədən müəyyən edilmiş qrafikə uyğun olaraq mütəmadi olaraq təmizlənir”.
Şahidi olduğunuz hadisələri çəkib bizə göndərin!
Son Əlavə