Yevlax rayonunda 2 nəfərin xəsarət alması ilə nəticələnən avtomobil qəzası baş verib.
"Report"un Qərb Mərkəzinin məlumatına görə, hadisə rayonun Malbinəsi kəndindəki körpünün üzərində qeydə alınıb.
"Pikap" tipli avtomobillə "Ford" markalı kiçik tutumlu yük avtomobilinin toqquşması nəticəsində 2 nəfər, Yevlax rayon sakinləri - 1961-ci il təvəllüdlü Rövşən Vəliyev və 1996-cı il təvəllüdlü Xəyal Məmmədov xəsarət alıb. Onların hər ikisi xəstəxanaya aparılıb.
Qəza nəticəsində daha 2 nəfərə hadisə yerində ambulator yardım göstərilib.
Faktla bağlı araşdırma aparılır.