Azərbaycanda öz şagirdinə təcavüz edən müəllim həbs edildi

Lerik rayonunun Kirəvud kəndinin 11-ci sinif şagirdinə (təvəllüd: 2003-cü il) təcavüz edən şəxs həbs edilib.

Bu barədə Oxu.Az-a hüquq-mühafizə orqanlarından məlumat veriblər.

Bildirilib ki, Ş.Məmmədov şübhəli şəxs qismində həbs olunub.

Faktla bağlı Lerik Rayon Polis Şöbəsində Cinayət Məcəlləsinin 152.1-ci (On altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) və 153.1-ci (On altı yaşına çatmayan şəxsə qarşı zor tətbiq etmədən əxlaqsız hərəkətlər törətmə) maddələri ilə cinayət işi başlanılıb.

Qeyd edək ki, məktəblinin “Təmiz Dünya” sığınacağına yerləşdirilməsi istiqamətində işlər aparılır.

Ailə, Qadın və Uşaq Problemləri üzrə Dövlət Komitəsi də hadisə barədə məlumat yayıb.

Qeyd edilib ki, azyaşlılara qarşı cinsi zorakılıq və qısnama halları kəskin şəkildə pislənilir, dünyanı bürüyən koronavirus pandemiyası ilə mübarizə aparılan çətin bir zamanda valideynlər övladlarına qarşı diqqətli və həssas davranmağa çağırılır.скачать dle 11.3