Bakıda polis əməliyyat keçirdi: heroin alverçisi yaxalandı

Bakıda polis narkotik alverçisinin yaxalanması ilə bağlı əməliyyat keçirib.

Median.Az Trend-ə istinadən xəbər verir ki, Sabunçu Rayon Post-Patrul Xidməti əməkdaşları daxil olan məlumat əsasında Sabunçu rayonu ərazisində keçirilən əməliyyat tədbirləri nəticəsində Bakı şəhər sakini, 1994-cü il təvəllüdlü Ə. Mahmudov saxlanılıb.

Baxış zamanı onun üzərindən 0,119 qram metanfetamen həbi və 274 qram heroin aşkar edilərək götürülüb. Saxlanılan şəxs Sabunçu rayon Polis İdarəsinin 13-cü polis bölməsinə təhvil verilib.

Faktla bağlı araşdırmalar davam etdirilir.