Bakıda xəsarətlə nəticələnən yol qəzası baş verib.
"Report"un məlumatına görə, hadisə Xəzər rayonunda qeydə alınıb.
Qala qəsəbəsində iki avtomobilin toqquşması nəticəsində Beyləqan rayon sakinləri - 1965-ci il təvəllüdlü Quliyev İsgəndər Aslan oğlu və oğlu, 1990-cı il təvəllüdlü Quliyev İslam İsgəndər oğlu xəsarət alıblar.
Yaralılar təcili tibbi yardım briqadasının köməkliyi ilə xəstəxanaya çatdırılıb. İ.Quliyevə sağ əlin, döş qəfəsinin travması, İslam Quliyevə isə döş qəfəsinin travması diaqnozları qoyulub.