Prezident İlham Əliyev: "Seçkilər Azərbaycan xalqının iradəsini əks etdirir" » Median.Az - Bütün xəbərlər bir ünvanda
11:51 Tikinti gedən binanın önündə park edilən avtomobillərə ciddi ziyan dəydi - Video  |     11:44 Qızıl almaq istəyənlərin NƏZƏRİNƏ: Saxta zinət əşyalarının dövriyyəsi ÇOXALIB - Video  |     11:41 Gələn ildən veriləcək faizsiz kreditlər kimlərə təqdim olunacaq? - Video  |     11:36 Azərbaycanda yaşa görə müavinət alanlara ŞAD XƏBƏR - Video  |     11:22 Xalq artisti Ramiz Quliyev VƏFAT ETDİ  |     11:20 Ramiz Mehdiyevi hansı cəza gözləyir?  |     11:18 Leyla və Arzu Əliyevalar Berlində sərgidə - Fotolar  |     11:11 Azərbaycanda sadələşdirilmiş verginin bəyannaməsini artıq öncədən doldurmaq mümkün olacaq  |     23:00 Rusiyada miqrantlar işdən azad olunur  |     22:52 Şəmkirdə "Niva" yanıb  |     22:47 Bakıda yarım milyonluq maşına görə 300 manat cərimə yazıldı  |     22:40 Mobil telefon rabitə sahəsində əldə olunan gəlirlər 23 milyon manatdan çox artıb  |     22:34 VÖEN-i necə aktivləşdirmək olar?  |     22:28 Lənkərandakı Dairəvi qalanın bərpası üçün satınalma proseduru başlanılıb  |     22:20 Bakıdakı məşhur restoran cərimələndi  |     22:15 AAAF Park-da oğurluq: Mənzildən soyuducu və paltaryuyan, anbardan bilyard oğurlandı  |     22:09 Dünyanın ən güclü pasportları açıqlandı: Azərbaycan neçəncidir?  |     22:00 BMT-nin layihə rəhbəri Bakıda içkili vəziyətdə saxlanıldı  |     21:52 İranlı milyonçu qadın Bakıda aldadılıb - "3 milyonumu mənimsəyiblər"  |     21:46 Kərə yağı Azərbaycana hansı ölkələrdən və neçəyə gətirilir? - Qiymət 35% bahalaşıb  |    

Prezident İlham Əliyev: "Seçkilər Azərbaycan xalqının iradəsini əks etdirir"

"Ən önəmlisi, bu seçkilərin keçirilməsi Azərbaycan xalqının iradəsidir".

"Report" xəbər verir ki, bunu Azərbaycan Respublikasının Prezidenti İlham Əliyev fevralın 10-da Türkiyə-Azərbaycan parlamentlərarası dostluq qrupunun rəhbəri Şamil Ayrımın başçılıq etdiyi nümayəndə heyətini qəbul edərkən deyib.

"O ki qaldı bəzi beynəlxalq müşahidə missiyalarının rəyinə, biz onların mənfi rəyinə çoxdan öyrəşmişik. Onların bəzi hallarda rəyi seçkilərdən öncə yazılır, özü də onlar tərəfindən yazılmır, başqa yerlərdə yazılır, onlara ötürülür. Biz bunu dəfələrlə müşahidə etmişik. Siz də Avropa Şurasının bizə qarşı olan mənfi münasibətini qeyd etdiniz. Bunun da son təzahürü qəbul edilmiş, yalan üzərində qurulmuş son qətnamədir. Yəni, bu qətnamənin qəbul edilməsi, əslində, parlament seçkilərinə kobudcasına müdaxilədir. Birincisi, bu qətnamə saxtadır və biz bunu qəbul etmirik. Orada bizə qarşı irəli sürülən ittihamları rədd edirik və bizə qarşı ünvanlanmış dırnaqarası tələblərin heç birini icra etməyəcəyik. Bu, bir. İkincisi, bu qətnamənin qəbul edilmə vaxtı. Parlament seçkilərinə az vaxt qalmış bu qətnamənin qəbul edilməsi Azərbaycana qarşı olan mənfi və ədalətsiz yanaşmanın təzahürüdür.

Mən bu yaxınlarda yaxın dostumuz olan Mövlud Çavuşoğlu ilə görüş əsnasında bu barədə öz fikirlərimi bildirdim. O da eyni mövqedədir və biz yaxşı bilirik ki, Türkiyəyə və Azərbaycana Avropa Şurasında ikili standartlar tətbiq olunur. Bizdə gedən müsbət proseslər qeydə alınmır, bizim artan gücümüz sanki qıcıq, paxıllıq yaradır. Ancaq buna rəğmən, Türkiyə və Azərbaycan iki dost, qardaş ölkə kimi irəli gedir. Biz çox önəmli layihələri icra edirik, öz gücümüzü artırırıq. Hesab edirəm ki, həm beynəlxalq müstəvidə, həm ölkə daxilində gedən işlərdə bizim düzgün siyasətimiz artıq reallıqdır. Ən önəmlisi, bu seçkilərin keçirilməsi Azərbaycan xalqının iradəsidir. Əgər Azərbaycan xalqı bu seçkilərin keçirilməsindən narazı olsa, öz səsini ucaldardı. Bu gün siz də gördünüz, Azərbaycanda tam demokratik ab-hava mövcuddur. Seçki və seçkilərin keçirilməsi demokratiyanın təzahürlərindən biridir. Əgər namizədlər bu seçki kampaniyası ərzində belə fəal, mübariz olublarsa, - bu, əslində, belədir, siz də bunu qeyd etdiniz,- seçicilərə öz fikrini çatdırmaq üçün qapı-qapı gəziblərsə, əlbəttə ki, əgər onlar seçkilərdən narazı olsalar, öz səslərini ucaldardılar. Ancaq indiyə qədər biz belə hallara rast gəlmirik. Bu, bir daha onu göstərir ki, bu seçkilər Azərbaycan xalqının iradəsini əks etdirir və əsas odur", - dövlət başçısı qeyd edib.скачать dle 11.3




Şahidi olduğunuz hadisələri çəkib bizə göndərin!




            1 540 10.02.20 21:52