Hərbi qulluqçuların icbari şəxsi sığortası və pensiya təminatı ilə bağlı - SƏRƏNCAM » Median.Az - Bütün xəbərlər bir ünvanda
22:55 Türkiyə və Rusiya XİN rəhbərləri Qarabağı müzakirə ediblər  |     22:54 “Clubhouse” developerləri “Android” üçün tətbiqi işə salıb  |     22:54 Çində helikopter qəzaya uğrayıb, 2 nəfər ölüb  |     22:53 Bakıda 76 yaşlı kişi intihar etdi  |     22:53 Göyçayda polis və AQTA əməkdaşları monitorinq keçirib  |     22:52 Lənkəranda 3 mağazada yetkinlik yaşına çatmayanlara tütün məmulatları satılması aşkarlanıb  |     22:39 Ermənistandakı parlament seçkilərinin vaxtı açıqlandı  |     21:59 Türkiyədə koronavirusla bağlı son STATİSTİKA  |     21:46 Ramazan ayının 28-ci gününün imsak, iftar və namaz vaxtları  |     21:23 İsrail raket atəşinə tutulub: Ölən və yaralananlar var  |     21:17 10 günə 5 kq - Alma pəhrizi  |     21:07 Gürcüstanda Heydər Əliyevin xatirəsinə həsr olunan şahmat turnirinin qalibləri mükafatlandırılıb  |     21:04 Türkiyəyə göndərilən daha 3 qazi sağalaraq Vətənə döndü  |     20:46 Ermənistan parlamenti ikinci dəfə Paşinyanın namizədliyini rədd etdi  |     20:38 Zalsburqdakı Azərbaycan Evində ulu öndər Heydər Əliyev yad edilib - FOTO  |     20:27 Ermənilərin daha bir yalanı ifşa edildi – FOTO  |     20:15 Lavrov Bakıya gəldi  |     20:01 Azərbaycanda #PeyvəndOlundum kampaniyasına başlanılıb  |     19:32 Bakıda külək binanın dam örtüyünü uçurub  |     19:31 Gürcüstan Azərbaycandan min ton aviasiya yanacağı idxal edib  |    

Hərbi qulluqçuların icbari şəxsi sığortası və pensiya təminatı ilə bağlı - SƏRƏNCAM
Ədliyyə Nazirliyi Müdafiə Nazirliyi, Əmək və Əhalinin Sosial Müdafiəsi Nazirliyi və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla Azərbaycan qanunlarının Prezidentin aktlarının “Hərbi qulluqçuların dövlət icbari şəxsi sığortası haqqında” və “Əmək pensiyaları haqqında” qanunlara uyğunlaşdırılması ilə bağlı təkliflərini iki ay müddətində Nazirlər Kabinetinə təqdim etməlidir.

Bu barədə Baş nazir Əli Əsədov sərəncam imzalayıb.

Sərəncamda bildirilib ki, razılaşma prosesinin iştirakçıları (əsas və birgə icraçılar) bu sərəncamın icrası ilə bağlı normayaratma vəzifələrindən irəli gələn məsələlər üzrə (layihə və təkliflərin baxılması, hazırlanması, razılaşdırılması, təqdim edilməsi və s.) müvafiq tədbirlər görüb icra vəziyyəti tələb etdikdə, məlumatları icra üçün ayrılmış müddətin birinci yarısı başa çatanadək Nazirlər Kabinetinə təqdim etsinlər.

Eyni zamanda, hüquqi aktların layihələrini əsas icraçıya təqdim edən subyektlər “Normativ hüquqi aktlar haqqında” Konstitusiya qanununun müvafiq olaraq 48.2-ci, 48.3-cü və 48.5-ci maddələrinin tələblərinə əməl edilməsini təmin etməlidirlər.

Qeyd olunub ki, mərkəzi icra hakimiyyəti orqanları üç aydan gec olmayaraq öz səlahiyyətləri daxilində normayaratma vəzifələrindən irəli gələn tədbirlər görsün.

Həmçinin normativ hüquqi aktlarını və ya təkliflərinin olmadığı barədə məlumatı Ədliyyə Nazirliyinə təqdim etməli və icra vəziyyəti tələb etdikdə, Nazirlər Kabinetinə məlumat verməlidirlər

Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların Qanuna uyğunlaşdırılmasını təmin edib, bu barədə dörd ay müddətində Nazirlər Kabinetinə məlumat verməlidir.

Qeyd edək ki, Baş nazirin sərəncamı Prezidentin “Hərbi qulluqçuların dövlət icbari şəxsi sığortası haqqında” və “Əmək pensiyaları haqqında” qanunlarda dəyişiklik edilməsi barədə” 2019-cu il 12 noyabr tarixli nömrəli sərəncamının icrasını təmin etmək məqsədilə verilib.

Məlumat üçün bildirək ki, “Hərbi qulluqçuların dövlət icbari şəxsi sığortası haqqında” qanunun 2-ci maddəsinə edilən dəyişikliyə görə, “Azərbaycan Respublikasının qanunvericiliyinə müvafiq surətdə yaradılmış digər qoşun birləşmələrində” sözləri “hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda)” sözləri ilə əvəz edilib.

Eyni məzmunlu düzəlişlər bu qanunun 7-ci maddəsində və “Əmək pensiyaları haqqında” qanunun 21.2.3-cü maddəsində edilib.

Bununla yanaşı, “hərbi qulluqçular” anlayışının məzmunu yenilənərək “Azərbaycan Respublikası Silahlı Qüvvələrində və hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda) xidmət edən hərbi rütbəli şəxslər” kimi verilib.

Qanunlara dəyişikliklər “Hərbi vəzifə və hərbi xidmət haqqında” qanunda dəyişiklik edilməsi barədə 2018-ci il 12 oktyabr tarixli qanunun icrasını təmin etmək məqsədi daşıyır.

Həmin qanunda hərbi qulluqçuların yalnız Azərbaycan Silahlı Qüvvələrində deyil, habelə hərbi xidmət nəzərdə tutulmuş digər dövlət orqanlarında da (dövlət orqanlarının strukturuna daxil olan qurumlarda) xidmət keçməsi müəyyən olunub.

Dəyişikliklər belə qurumların hərbi qulluqçularının dövlət icbari şəxsi sığortası və pensiya təminatının əvvəlki qaydada saxlanılmasına xidmət edir.скачать dle 11.3





Şahidi olduğunuz hadisələri çəkib bizə göndərin!




            1 882 13.12.19 14:04